გაზაფხულზე, ხელნაკეთი პროექტებით, ზედმეტი ჩარევის გარეშე, დაეხმარეთ გარეულ ცხოველებს და მათ ნაშიერებს.
-
-
-
-
ბმული კოპირებულია
1. ფრინველებისთვის უსაფრთხო ფანჯრები
გამჭვირვალე, ამრეკლავი მინა ფრინველებს აბნევს. დედამიწაზე მილიარდობით ფრინველი მინაზე შეჯახების შედეგად იხოცება. მორთეთ თქვენი ფანჯრები სტიკერებით ან ტემპერის საღებავით ისე, რომ მოხატულობაში 5-10 სანტიმეტრზე დიდი წყვეტა არ იყოს. სხვა იდეებისთვის ეწვიეთ: abcbirds.org/glass-collisions.
ფოტო: რებეკა ჰეილი, NGM-ის თანამშრომელი
2. ფრთხილი საგაზაფხულო დასუფთავება
სანამ სათიბს აამუშავებთ, დარწმუნდით, არემარეში პატარა ცხოველები ან ფრინველები ხომ არ არიან. თუ იპოვით არსებას, რომელსაც შველა ან გადაადგილება ესაჭიროება, დაუკავშირდით გარემოსდაცვითი ზედამხედველობის დეპარტამენტს ბმულზე: https://des.gov.ge
ფოტო: ჯოელ სარტორე, NATIONAL GEOGRAPHIC PHOTO ARK
3. შექმენით სასტუმრო მწერებისთვის
მწერები მცენარეების დამამტვერიანებლები და ეკოსისტემის სანიტრები არიან. მათ გასამრავლებლად უსაფრთხო ადგილები სჭირდებათ. მათთვის სასტუმროს გაკეთებას თქვენი ხელით შეძლებთ:
1. იპოვეთ მუყაოს ყუთი.
2. ჩაალაგეთ მასში ქაღალდისგან გაკეთებული პატარა მილები.
3. შეავსეთ მილები ხის ტოტებით, ბალახით, ფოთლებით და დადგით ეზოს მშვიდ ნაწილში.
ფოტო: რებეკა ჰეილი, NGM-ის თანამშრომელი
4. პატარების მეთვალყურეობა
ზოგიერთი ცხოველის ნაშიერი დედის გარეშე დიდ დროს ატარებს. თუ მარტო მყოფ პატარას გადააწყდებით, ნუ ჩათვლით, რომ საფრთხეშია. ხელი არ ახლოთ და რჩევა ცხოველთა მაშველს ჰკითხეთ.
ფოტო: როლფ კოპფლე, ALAMY STOCK PHOTO
