ახალი სახეობები

„კრაბრონიდები მარტოხელა ფუტკრები არიან. საქართველოში ცნობილი იყო მათი 15 სახეობა, ახლა კი ეს რიცხვი 100-დე გაიზარდა”, ამბობს აგრარული უნივერსიტეტის პროფესორი, ენტომოლოგი გიორგი ჯაფოშვილი. დედამიწაზე მწერების ძალიან ბევრი სახეობაა. მათი კლასიფიკაცია ურთულესია, ტაქსონომია კი, კვლევებისთვის ძალიან მნიშვნელოვანი. ამიტომ, ჯაფოშვილის ხელმძღვანელობითა და რუსთაველის ეროვნული ფონდის მხარდაჭერით, ლაგოდეხის რაიონში ფართომასშტაბიანი კვლევა ტარდება. აქცენტი სიფრიფანაფრთიანებზე კეთდება. მასალა მსოფლიოს სხვადასხვა კუთხეში იგზავნება შესასწავლად. კვლევა 2013 წელს დაიწყო და მიმდინარე წელს ამთავრდება. შედეგები ნელ- ნელა ჩამოდის. უკვე ფაქტია, რომ გამოკვლეული მწერებიდან 100-ზე მეტი სახეობა საქართველოსთვის ახალია; სავარაუდოა, რომ 40-ზე მეტი სახეობა საერთოდ მეცნიერებისთვისაც კი, ახალი იყოს.