არა კუსუმა

COVID-19-ის დროს მშობლიურ ჯაკარტაში ყოფნისას კუსუმამ შენიშნა, რომ ბავშვები ქუჩაში იდგნენ გაკვეთილების პერიოდში. ახლა ხომ ისინი ონლაინგაკვეთილებს უნდა ესწრებოდნენ? – გაიფიქრა მან.

მაგრამ შემდეგ კუსუმამ გაიაზრა, რომ უამრავ ბავშვს არ ჰქონდა ინტერნეტი; შეიძლება მშობლებიც ვერ ეხმარებოდნენ გაკვეთილების მომზადებაში. „კორონავირუსისას თუ მის გარეშე, – ამბობს იგი, – განათლების სისტემაში გარკვეული სირთულეებია“. UNESCO-ს გაანგარიშებით, მსოფლიოში 250 მილიონამდე ბავშვი ვერ ესწრება სასკოლო გაკვეთილებს. ამის მიზეზებია კონფლიქტი, დისკრიმინაცია, თუ ინფრასტრუქტურის არარსებობა.

ასეთმა რეალობამ National Geographic-ის 26 წლის მკვლევარ კუსუმას მოტივაცია მისცა, წამოეწყო Aha! Project, რომელიც ბავშვებს განათლების მიღებაში ეხმარება, მიუხედავად მათი წარმომავლობისა თუ საცხოვრებელი ადგილისა. Aha! Project-მა დღემდე 4500-ზე მეტ ბავშვს დაურიგა საგანმანათლებლო ინვენტარი. „განათლება ყველა ბავშვის უფლებაა“, – ამბობს კუსუმა.

National Geographic Society არა კუსუმას პროექტს აფინანსებს 2020 წლიდან; შეიტყვეთ მეტი მკვლევრებზე, რომლებსაც ეს ორგანიზაცია უჭერს მხარს: natgeo.com/impact