ბახის ხელების მუსიკალური სიდიადე

როგორც ჩანს, მუსიკალურ გენიას მრავალი განზომილება აქვს. კომპოზიტორ იოჰან სებასტიან ბახის შემთხვევაში (1685-1750) მისი ვირტუოზობა ანატომიურ უპირატესობას შეიძლება გაეუმჯობესებინა. გერმანულ სამეცნიერო ჟურნალში დაბეჭდილ სტატიაში ანატომი და მუსიკოსი ანდრეას ოტე ასკვნის, რომ ბახს კლავიატურაზე გასაოცარი წვდომა ჰქონდა.

ჩონჩხის ფოტოსურათის გამოყენებით, რომელიც ისტორიკოსების ვარაუდით ბახს ეკუთვნის, ოტემ მისი მტევნის ზომა გამოიანგარიშა – 21,5 სმ მაჯიდან თითების წვერამდე, წვდომა კი 26 სანტიმეტრი ცერიდან ნეკამდე. ამ ზომების გამოყენებით ოტემ დაადგინა, რომ ბახს ე.წ. მეთორმეტეს აღება შეეძლო: პოზიცია, რომელიც 12 თეთრ კლავიშს ფარავს. ეს წვდომა, რომელიც მარჯვნივ კლავიატურაზეა მონიშნული, დღესაც კი იშვიათია, როდესაც ადამიანები ზოგადად უფრო დიდები არიან, ვიდრე ბახის დროს.