ბოლორცეცეგ მინჯინი

გობის უდაბნოში დინოზავრების განამარხებული ნაშთები მრავლადაა. მონღოლეთის ამ უდაბნოში მეცნიერებმა დინოზავრების 76 გვარი აღმოაჩინეს. მიუხედავად ამისა, მონღოლების უმრავლესობამ არაფერი იცის ამ საგანძურის შესახებ. „განამარხებული ნაშთები ქვეყანას ტოვებენ“, ამბობს პალეონტოლოგი ბოლორცეცეგ მინჯინი, „და მათ ცოდნაც მიჰყვება“.

ბოლორცეცეგს მაგისტრის ხარისხიც ჰქონდა და მამაც (მინჯინ ჩულუუნი, მონღოლეთის ერთ-ერთი პირველი პალეონტოლოგი) მხარში ედგა, მაგრამ პირველად გათხრებზე მაინც მზარეულად წავიდა. შემდეგ კი ისე გამოიჩინა თავი განამარხებული ნაშთების ძებნაში, რომ მას ამერიკის საბუნებისმეტყველო მუზეუმისა და ნიუ-იორკის უნივერსიტეტის საერთო პოსტსადოქტორო პროგრამაში ჩართვა შესთავაზეს.

ხარისხის დაცვის შემდეგ ბოლორცეცეგმა გადაწყვიტა, მონღოლი თანამემამულეებისთვის თავიანთი ქვეყნის ბუნება გაეცნო და მის დასაცავად ებრძოლა. ამ მიზნით მან მონღოლეთის დინოზავრების შესწავლის ინსტიტუტი დააარსა. ამჟამად ინსტიტუტი დინოზავრების მოძრავ გამოფენას აგზავნის მონღოლეთის გარშემო სამოგზაუროდ.