ბრძოლაში
ქალები შეიარაღებულ ძალებში სულ უფრო აქტიურ როლს თამაშობენ, იქნება ეს სამხედრო კონფლიქტის მოწინავე ხაზებზე სამსახურისას, თუ მსოფლიოს ცხელ წერტილებში სამშვიდობო მისიის შესრულებისას
ბრძოლაში
ქალები შეიარაღებულ ძალებში სულ უფრო აქტიურ როლს თამაშობენ, იქნება ეს სამხედრო კონფლიქტის მოწინავე ხაზებზე სამსახურისას, თუ მსოფლიოს ცხელ წერტილებში სამშვიდობო მისიის შესრულებისას
-
-
-
-
ბმული კოპირებულია
სირიის უდაბნოში, სამხრეთ სუდანის საძოვრებსა თუ დასავლეთ კოლუმბიის ომით გათანგულ ჯუნგლებში სამხედრო კონფლიქტების მოწინავე ხაზებზე ქალების მზარდი რაოდენობა მსახურობს.
სულ მცირე 16 ინდუსტრიული ქვეყანა ქალებს მოწინავე ხაზზე სამსახურის შესრულების ან მებრძოლად ყოფნის ნებას რთავს. თუმცა, მეთაურებს ბრძოლის ველზე მათი გაგზავნის პერსპექტივა შეიძლება მაინც ზაფრავდეთ, მაგრამ ტერორისტული თავდასხმებისა და ეთნიკური შეტაკებების ამ ხანაში ნებისმიერ პოზიციაზე მომსახურე ქალებმა „თავი შეიძლება ბრძოლაში ამოყონ, რადგან ბრძოლის ველი არასწორხაზოვანია”, – ამბობს საზღვაო ვიცე-პოლკოვნიკი მისტი პოუზი, სამხრეთ კაროლინის შტატში მდებარე პარის-აილენდის საზღვაო ქვეითი ჯარის ქალ ახალწვეულთა მეთაური.
კოლუმბიაში ათობით წლის განმავლობაში მიმდინარე პარტიზანული კონფლიქტის დასრულების მცდელობების მიუხედავად, ქვეყნის „ეროვნულ-გამათავისუფლებელ არმიას” მაინც აქვს თავშესაფარი საიდუმლო მოძრავი ბანაკების სახით. „ეროვნული გამათავისუფლებელი არმია” უარს აცხადებს ცეცხლის შეწყვეტაზე, რომელსაც მას სხვა ჯგუფების შუამავლობით სთავაზობენ. მთავრობის წარმომადგენლები და სხვა კოლუმბიელები „ეროვნულ-გამათავისუფლებელი არმიის” წევრებს ტერორისტებისა და გამომძალველების კატეგორიას მიაკუთვნებენ, თავად „არმიის” წევრები კი თავს სამართლიანობისა და ქვეყნის სოციალური და გენდერული თანასწორობისთვის მებრძოლებს უწოდებენ.
დამოუკიდებლობისთვის მებრძოლნი
თითქმის ათწლეულია სირიელ ქურთთა წინააღმდეგობის მოძრაობა ქალებს მებრძოლთა რიგებში იღებს, რითაც საკუთარ პოზიციას აფიქსირებს. სრულად ქალებისგან შემდგარი დანაყოფი, „სახალხო თავდაცვის რაზმები”, 20 000 წევრს ითვლის. აქედან ბევრია მუსლიმანი, რომლებიც ისლამის იმ ინტერპრეტაციებს უარყოფენ, რომლებსაც მჩაგვრელურად მიიჩნევენ.
შეიარაღებული მცველები
გაეროს სამშვიდობო ძალების 19 500-კაციანი შემადგენლობიდან, რომლებიც კონფლიქტით დაზარალებული სამხრეთ სუდანის ახალ სახელმწიფოში სამოქალაქო პირთა დაცვას უწყობენ ხელს, 1600-მდე ქალია მრავალი ქვეყნიდან.
პამელა ტოლერის ახალ, ათასწლეულებზე გადაჭიმულ ისტორიაში „ქალი მეომრები”, ქალები ცხენზე ამხედრებულნი ბრძოლაში ებმებიან და ათობითათასიან ჯარებს მეთაურობენ. „ქალები მუდამ იბრძოდნენ, ჩვენ კი ეს, როგორც ჩანს, გვავიწყდებოდა”, –ამბობს ტოლერი. თანამედროვე საშუალებები, როგორებიცაა დნმ-ის კრიმინალისტური ექსპერტიზა, ასევე სამარხის არტეფაქტებისა და საბუთების დედნების ხელახალი კვლევა, ტოლერის მსგავს ისტორიკოსებს მებრძოლი ქალების ცხოვრების შესახებ ახლებური წარმოდგენის შექმნის შესაძლებლობას აძლევს.
ლინსი ადარიომ უკანასკნელი 15 წლის განმავლობაში ყველა ძირითადი კონფლიქტი და ჰუმანიტარული კრიზისი გააშუქა, მათ შორის ავღანეთის, ერაყის, ლიბიის, სირიის, ლიბანის, სომალისა და სამხრეთ სუდანის. იგი არის ავტორი New York Times-ის ბესტსელერი მემუარისა „ესაა, რასაც ვაკეთებ: ფოტოგრაფის სიყვარულითა და ომით აღსავსე ცხოვრება“.
სრული ვერსია წაიკითხეთ ნოემბრის ნომერში.
