ჩუმი ფრენა

გერმანელ ინჟინრებს სურთ ბუხრინწების ჰაერში ჩუმი მანევრირება შეისწავლონ და ავიაცია ნაკლებად ხმაურიანი გახადონ. ღამით მონადირე ბუხრინწა მსხვერპლის ადგილსამყოფლის დასადგენად აკუსტიკას იყენებს და ხმაურით მსხვერპლს არ აფრთხობს.

ბუხრინწას საიდუმლო მის ფრენის ტემპშია. ნელა დაფრინავს და ფრთებსაც იშვიათად იქნევს. მკვლევარი ტომას ბახმანი ამბობს, რომ განსაკუთრებით აღსანიშნავია ბუხრინწას ფრთის სიგრძივი პროფილი. იგი განაპირობებს ფრთის ზედა ნაწილში მცირე დაწოლას, რაც ფრთებს ზევით ექაჩება. შებუმბვლასაც თავისი მნიშვნელოვანი როლი აქვს. ბუხრინწას ბუმბულის მჭიდრო საფარველი და ფრთების ნაზი აგებულება ხმას ახშობს. ტურბულენტობის შემცირებას გარკვეულწილად ფრთების კიდეებზე მოყოლებული არშიაც უწყობს ხელს.