დინჯად და შავ-თეთრად

“შავ-თეთრი ფოტოების ბეჭდვა ტანგოსავითაა, ყველა ნაბიჯი განსაზღვრულია, – ამბობს ბრაიან იანგი, – ან „კრემ ბრულეს“ მომზადებასავით – ტემპერატურისა და შეზავების სიზუსტე სჭირდება“. იანგი შავ-თეთრად ბეჭდვამ 1980-იან წლებში იმიტომ გაიტაცა, რომ, ფერადი ფოტოებისგან განსხვავებით, აქ ყველაფრის გაკონტროლება შეგიძლია. ერთი ფირის დაბეჭდვას შეიძლება ორი საათი დასჭირდეს. “მთავარი სისწრაფე, სიმარტივე და კომფორტი არ არის, – ამბობს იანგი, – ეს არის რთული, ხანგრძლივი და შემეცნებითი პროცესი“.

1. გასამჟღავნებელი აბაზანები
   აბაზანები ქიმიკატებისთვის: გამჟღავნებისთვის, პროცესის შეჩერებისა და ფიქსაციისთვის.
2. რეზინისთავიანი მაშები
   მათ გარეშე ქიმიკატები ფრჩხილებს გაგიშავებთ.
3. თერმომეტრი
   ტემპერატურის ოდნავი ცვლილებაც მოქმედებს გამჟღავნების ხარისხზე.
4. კონტრასტის მოსამატებელი ხელსაწყო
   კადრის ქაღალდზე დასხივებისას ფოტოს ბნელ არეებში ხელსაწყოს გადატარება გამოსახულებას ამკვეთრებს. 
5. რეზინისპირიანი საწმენდი
   გამჟღავნებული ფოტოდან სითხის ჩამოსაცილებლად. 
6. ტაიმერი
   ნაბეჭდი, გასამჟღავნებელ ხსნარში 90 წამიდან 3 წუთამდე ჩერდება.
7. ფოკუსის დასაყენებელი ლინზა
   ამ ხელსაწყოთი ხდება ნეგატივზე ზუმირება და ფოკუსის დარეგულირება.
8. ანტისტატიკური ჯაგრისი
   აუცილებელია ნეგატივიდან მტვრის ჩამოწმენდა.
9. ლუპა
   ნეგატივზე გამადიდებელი შუშით დაკვირვებისას ხდება ნაფხაჭნის ან ლაქების აღმოჩენა.
10. ნეგატივის დამჭერი
    სტატიკურად იკავებს გამადიდებელში ჩასმულ ნეგატივს, რათა მოხდეს მისი განჭოლვა და დაბეჭდვა.
11. მენზურა
    წყლისა და ქიმიკატების თანაფარდობა განსაზღვრავს გამჟღავნების ხანგრძლივობას.