დმანისი: წინ, წარსულისკენ
ის არც ჰომო ერექტუსს ჰგავს - იმ პრეისტორიულ ადამიანს, რომელმაც, გავრცელებული მოსაზრებით, პირველმა დაიწყო მიგრაცია აფრიკიდან ევრაზიისკენ; და არც ჰომო ჰაბილისს - განვითარებით მის ქვემოთ მდგარ სახეობას. ეს ამ ორი სახეობის უნიკალური მოზაიკაა
„აფრიკიდან გამოსულ პირველ ადამიანებს პაწაწინა ტვინები უნდა ჰქონოდათ,“ – ამბობს ბინგჰემტონის უნივერსიტეტის პროფესორი ფილიპ რაიტმაიერი. რაიტმაიერი წლებია Homo erectus-ის (გამართული ადამიანის) ქალების ფორმებს აკვირდება და თვალებს შორის მანძილს ზომავს. ბევრი სხვა პალეოანთროპოლოგის მსგავსად, რაიტმაიერი დიდი ხნის განმავლობაში სწორედ ჰომო ერექტუსს მიიჩნევდა პიონერად – პირველ ჰომინიდად, რომელმაც აფრიკის საზღვარი გადაკვეთა. საქართველოში აღმოჩენილმა ქალამ კი ეს მოსაზრება მნიშვნელოვნად შეარყია. შესაძლოა, პირველი ადამიანი, რომელმაც აფრიკიდან დანარჩენი მსოფლიოსკენ გაიკაფა გზა, არც ყოფილიყო კლასიკური ჰომო ერექტუსი – ანუ არსება დიდი ტვინითა და ქვის რთული იარაღების დამზადების უნარით. სავარაუდოდ, მათზე ადრე ახალი მიწისაკენ სვლა უფრო პრიმიტიულმა არსებამ დაიწყო – არსებამ, ჰომო ერექტუსსა და ჩვენი ბიოლოგიური გვარის ანუ Homo-ს პირველ წევრს, ჰომო ჰაბილისს შორის. რაიტმაიერის სამყარო ამოყირავდა და, როგორც ჩანს, ეს მეცნიერს ახალისებს კიდეც.
სრული ვერსია წაიკითხეთ ოქტომბრის ნომერში.