მეცნიერები ბაჰამის კუნძულების ლურჯ ხვრელებში დედამიწის მიღმა არსებულ სიცოცხლეს იკვლევენ. ნაპირს მოშორებული დატბორილი მღვიმეები (ე.წ. ოკეანის ლურჯი ხვრელები) ზღვის გაგრძელებებია და მოქცევების ძლიერ გავლენას განიცდის. ამიტომ, მღვიმეებში იგივე სახეობები ბინადრობენ, რომლებიც მათ ახლომდებარე წყლებში გვხვდება. თუმცა, კონტინენტური ლურჯი ხვრელები, მათი გეოლოგიისა და წყლის ქიმიური შემადგენლობის გამო, სრულიად განსხვავდება დედამიწის ნებისმიერი სხვა გარემოსაგან.

მინაწერის გახსნა

გააზიარეთ ფოტო

მინაწერის გახსნა

ამგვარ დატბორილ კარსტულ მღვიმეებში (მაგ: ვარსკვლავთკარიბჭე ანდროსის კუნძულზე) შემცირებული მოქცევის ნაკადი წყლის მკვეთრად განსხვავებულ შრეებად დაყოფას იწვევს. მტკნარი წყლის თხელი ფენა (რომელსაც წვიმა ამარაგებს) მლაშე წყლის უფრო სქელი ფენის თავზეა მოქცეული. მტკნარი წყალი ერთგვარი სახურავის როლს ასრულებს: ის მლაშე წყალს ატმოსფერული ჟანგბადის შეჭრისგან იცავს და ბაქტერიებს ორგანული ნივთიერებების გახრწნაში უშლის ხელს. მტკნარი წყლის ქვეშ არსებულ ზონაში ბაქტერიები სიცოცხლეს ინარჩუნებენ  სულფატის (ერთ-ერთი მარილის ხსნარი, რომელიც გოგირდს შეიცავს) გადამუშავების ხარჯზე. ამ პროცესში კი გამოყოფენ გოგირდწყალბადს, რომლის დიდი დოზა ბოდვით მოვლენებსა და სიკვდილსაც კი იწვევს.

სრული ვერსია წაიკითხეთ მაისის ნომერში.