ღრმა წყლის „საუნდჩეკი“

ცხოველები, შტორმები, მიწისძვრები, გემები თუ წყალქვეშა ბურღები… მათი ბუნებრივი თუ ხელოვნურად გამოცემული ხმები ჯამში დიდ ხმაურს ქმნის. ამ კაკოფონიამ მომავალში შეიძლება იმ ცხოველების ფიზიოლოგიაზე იმოქმედოს, რომლებიც ნავიგაციისთვის ხმოვან სიგნალებს იყენებენ (მაგ. ვეშაპი, დელფინი).

ბიოაკუსტიკოსი და Rolex-ის ლაურეატი მიშელ ანდრე ოკეანის ხმებს შეისწავლის საზღვაო გზებსა და დატვირთულ პორტებთან.

ანდრეს მიზანი ხმაურით გამოწვეული ზიანის შემცირებაა. მისმა ჯგუფმა შექმნა სისტემა – ღრმა ოკეანის გარემოს მოსმენა (LIDO), რომელიც კრებს მონაცემებს 22 წყალქვეშა ობსერვატორიიდან და შემდეგ მიგრაციის სახასიათო მარშრუტებს ადარებს. ცხოველთა ადგილმდებარეობის ცოდნა გემებს მარშრუტის შეცვლის საშუალებას აძლევს.