გულადი მყვინთავები

ქარიშხლიანი ზღვის თავზე შავი ღრუბელივით გროვდება ფრინველთა გუნდი, რომელიც უეცრად, 15 მეტრის სიმაღლიდან, ელვასავით ეშვება და ტალღებს მძიმე დარტყმით აპობს. განეტები – ზღვისპირეთის უძველესი ბინადარნი საოცრად წინააღმდეგობრივი მახასიათებლებით გამოირჩევიან. გაწაფული მყვინთავები, ასევე ოსტატურად სწყდებიან წყალს და კლდეზე აშენებული ბუდეებისკენ ორმეტრიანი ფრთებით გრაციოზულად მილივლივებენ. თუმცა მიწაზე მოუქნელად ეშვებიან, ხმელეთზე უშნოდ ეხეთქებიან და მაშინვე ყაყანს, ფართხუნს და ბრახუნს იწყებენ. ბარტყების მიმართ განსაკუთრებული მზრუნველობა ახასიათებთ, კვერცხს მშობლები რიგრიგობით ასხედან და მორიგეობით კვებავენ ბარტყს. მეზობლების მიმართ კი მეტისმეტად მტრული დამოკიდებულება გამოარჩევთ. საბუდარის მოსაპოვებლად მამრები თითქმის ერთი საათის განმავლობაში იბრძვიან. ნისკარტებით გადაეჭდობიან და ერთმანეთს შეუბრალებლად კორტნიან. თუ განეტმა ბუდე ერთხელ დაისაკუთრა, შემდეგ მას სიცოცხლის ფასად დაიცავს. დრამატული და კომიკური – განეტი ჭეშმარიტად კონტრასტული ფრინველია.

იყო განეტი, ეს მეტად სტრესულ ცხოვრებას ნიშნავს. ბარტყი ბუდიდან პირდაპირ ზღვაში გადაეშვება, რისკენაც შიმშილი უბიძგებს. მოზარდობა მძიმე და სახიფათოა. მათი ცხოვრება  წყალთან და ამინდთან ყოველდღიური ბრძოლაა. განეტების მხოლოდ ნახევარი აღწევს სამი წლის ასაკს. ადამიანთა მიერ საუკუნეების განმავლობაში მიმდინარე ნადირობამაც მნიშვნელოვნად შეამცირა მათი რაოდენობა.

სრული ვერსია წაიკითხეთ თებერვლის ნომერში.