კავშირები, რომლებიც ჯანმრთელობას გვინარჩუნებს

სამყაროს შეგრძნებებით აღვიქვამთ: შეხებით, ხედვით, სმენით, გემოთი და ყნოსვით.

შეხება ამ შეგრძნებათაგან განსაკუთრებით მნიშვნელოვანია. ივნისის ნომრის ერთ-ერთი ვრცელი სტატიის ავტორ, სინთია გორნი წერს, რომ „ადამიანებს ჯანმრთელობისთვის ფიზიკური სიახლოვე და სიმშვიდის მომგვრელი შეხება სჭირდებათ“, ხოლო ფოტოგრაფი ლინ ჯონსონის თქმით, იტალიაში, ქალაქ ანდრიას შემოქმედებით სკოლაში „შეხება ყოველდღიური კულტურის ნაწილია, ბავშვები მუდამ ერთმანეთს ეხუტებიან და კოცნიან“.

გარდა სტატიისა, რომელიც დეტალურად განიხილავს შეხების ძალას, ივნისის ნომერში ჩვენ ასევე წარმოგიდგენთ National Geographic Society-ს მკვლევრების, დევიდ დუბილესა და ჯენიფერ ჰეისის ნამუშევარს, რომლებიც მრავალი წელია აღბეჭდავენ ოკეანეების მშვენიერებასაც და მისი განადგურების პროცესსაც. ამჯერად ისინი ჟურნალისტ კენედი უორნთან ერთად მოგვითხრობენ მსოფლიოს უბრწყინვალესი მარჯნის რიფების შესახებ, რომელთა ნაწილს ფილიპინები იცავს,  თუმცა ნაწილი კლიმატის ცვლილებისა და დამღუპველი თევზჭერის გამო ზიანდება.

კლიმატის ცვლილება ცივი ნაკადულის ბინადრებზეც ახდენს გავლენას – სწორედ ამის შესახებ წაიკითხავთ კრისტოფერ სოლომონისა და ხოლუდ ეიდის სტატიაში, ხოლო კრისტინ დელ’ამორე და სერხიო მარიხუანი, სულ რაღაც 20 წლის წინ, კატისებრთა შორის ყველაზე დიდ საფრთხეში მყოფი იბერიული ფოცხვრის წარმატებული კონსერვაციის მაგალითს გაგაცნობენ.

გმადლობთ, რომ კითხულობთ National Geographic Magazine – საქართველოს.