კეთილი იყოს თქვენი მობრძანება „სავაჭრო ქალაქში“

თოჯინა, რომელიც ბაზრობაზე მოიგეთ, სავარაუდოდ, ჩინეთშია დამზადებული. მაგრამ სად? დიდი ალბათობით, ქალაქ ივუში. მსოფლიოში გავრცელებული იაფი საქონლის დიდი ნაწილი სწორედ იქ მზადდება.

ივუ, რომელიც 1,2 მილიონ მაცხოვრებელს ითვლის, მნიშვნელოვანი ადგილია. 1982 წელს მუნიციპალიტეტმა ივუს საერთაშორისო სავაჭრო ქალაქი დააფუძნა. ეს უზარმაზარი საბითუმო ბაზარი დაახლოებით 70 000 დახლზე განთავსებულ უთვალავ ნივთს გვთავაზობს.

მყიდველები მთელი მსოფლიოდან ჩამოდიან აქ მილიონობით პროდუქტის სანახავად და შესაკვეთად. „თითოეული ნიმუში შეთანხმებულ ფასად მზადდება ქარხანაში“, ამბობს ფოტოგრაფი რიჩარდ სეიმური, რომელმაც ქალაქი 2014 წელს გადაიღო.