ხანგრძლივი სიცოცხლის ძიებაში
სანამ მთავრობა სამედიცინო სისტემის რეფორმირებისთვის ემზადება, ამ უფროსი თაობის წარმომადგენლები თავის ჯანმრთელობას თვითონ უვლიან
ჩინეთი დიდი დემოგრაფიული ცვლილების მიჯნაზეა. შემდეგი ორი ათწლეულის განმავლობაში, 1960-იანი წლებში შობადობის უპრეცედენტო ბუმის შემდეგ, ჩინეთს „თავისი არსებობის მანძილზე ყველაზე მეტი მოხუცი ეყოლება“, ამბობს იუ შიე, პრინსტონის უნივერსიტეტის სოციოლოგი.
სანამ მთავრობა სამედიცინო სისტემის რეფორმირებისთვის ემზადება, ამ უფროსი თაობის წარმომადგენლები თავის ჯანმრთელობას თვითონ უვლიან. „ისინი ვერ ხედავენ, რატომ უნდა ჰქონდეთ მთავრობის იმედი ჯანდაცვის სფეროში“, ამბობს შიე, „და ამიტომ ტრადიციულ მეთოდებს უბრუნდებიან“.
ეს მეთოდები ხშირად აკუპუნქტურა და მცენარეული წამლებია. სულ უფრო მეტი ჩინელი ტოვებს დაბინძურებულ ქალაქებს და სოფლებში მიდის, სადაც შედარებით სუფთა ჰაერსა და წყალს სასწაულმოქმედ წამლად ასაღებენ. ბამა, ავტონომიური ოლქი, რომელიც თავისი მრავალი, ას წელს გადაცილებული მოსახლითაა ცნობილი, წლიურად სულ ცოტა ორ მილიონ ვიზიტორს მასპინძლობს.
ჩინეთის სოფლებში კარგად დაინახეს ასეთი ეკოტურიზმის ფინანსური პოტენციალი, ამბობს სტენფორდის ეკონომისტი კარენ ეგლსტონი, თუმცა წამლის რეგულაციების გარეშე ძალიან ასაკოვანი მოსახლეობა რისკის ქვეშაა, ხშირად ხალხი თაღლითების მსხვერპლი ხდება.