ხორცი ლუდში

მკვლევრები ამტკიცებენ, რომ სწორი ნაწლავის კიბოსა და შემწვარი ხორცის მოხმარებას შორის ძლიერი კორელაციაა. პოლიციკლური არომატული ნახშირწყლები (PAHs) წარმოიქმნება ზუსტად იმ დროს, როდესაც ჩვენ მაყალზე ვყრით ხორცის ქორფა ნაჭრებს. ცნობისთვის – PAH-ებს დიდი ოდენობით შეიცავს სიგარეტის კვამლი და მანქანის გამონაბოლქვი. ცნობილი იყო, რომ ღვინისა და ჩაის მარინადებს კანცეროგენების გარკვეულ დონეზე შემცირების პოტენციალი ჰქონდათ, თუმცა დღემდე არაფერი ვიცოდით ლუდის მარინადის შესახებ.

პორტუგალიის Universidade do Porto-ს მკვლევართა ჯგუფმა ღორის ხორცისთვის მოამზადა ალკოჰოლიანი, უალკოჰოლო და შავი ლუდის მარინადები. ცხადია, საკონტროლო (უმარინადო) ხორციც „საქმეში გავიდა“. ნიმუშები შეწვეს და გამოიკვლიეს. ყველაზე ეფექტური შავი ლუდი აღმოჩნდა, რომელმაც რვა ძირითადი PAH-ის საერთო ოდენობა, უმარინადო ხორცთან შედარებით, 50%-ით შეამცირა. „ლუდის მარინადით მომზადებული მწვადი ნაწლავის კიბოს შემარბილებელ სტრატეგიად შეგვიძლია მივიჩნიოთ“, – ამბობს ოლგა ვიეგასი.