კლეოპატრას ძიებაში
არსებული გამოსახულებები მონეტებზე აღბეჭდილ, არცთუ შთამბეჭდავ სილუეტებზეა დაფუძნებული
-
-
-
-
ბმული კოპირებულია
სად არის კლეოპატრა? ის ბუნდოვანებითაა მოცული და მისი ბიოგრაფის მაიკლ გრანტის თქმით, ჩაკარგულია „გამონაგონისა და წყევლა-კრულვის ბურუსში“. მისი სახის სარწმუნო გამოსახულება არ მოიპოვება. არსებული გამოსახულებები მონეტებზე აღბეჭდილ, არცთუ შთამბეჭდავ სილუეტებზეა დაფუძნებული. დენდერაში (ქალაქი ეგვიპტეში) ტაძრის რელიეფზე კლეოპატრას 6-მეტრიანი გამოსახულებაც გვხვდება, მაგრამ სერიოზული დასკვნის გამოტანის საშუალებას არც ის გვაძლევს. მუზეუმებშიც წააწყდებით მარმარილოს რამდენიმე ბიუსტს, თუმცა მათი უმეტესობა, შესაძლოა, კლეოპატრასი სულაც არ იყოს. რეალურად ის არსად არის, მაგრამ ის მაინც ყველგანაა. მისი სახელი სათამაშო ავტომატებმა, სამაგიდო თამაშებმა და ეგზოტიკურმა მოცეკვავეებმა უკვდავყვეს.
მის სახელს ასტეროიდიც („216 კლეოპატრა“) კი ატარებს, ხოლო მისმა საბანაო რიტუალებმა სუნამოს შექმნას მისცა დასაბამი. აღმოსავლეთში თამბაქოს ყველაზე პოპულარულ ბრენდსაც სწორად მისი სახელი ჰქვია. კლეოპატრა მარადიული მუზაა. 1540 წლიდან 1905 წლის ჩათვლით დადგმულია 5 ბალეტი, 45 ოპერა და 77 სპექტაკლი. კლეოპატრა ასევე შვიდი ფილმის მთავარი გმირია, არადა დღემდე არავინ იცის, თუ როგორ გამოიყურებოდა ეგვიპტის უკანასკნელი, დღემდე მითოლოგიზირებული დედოფალი.
სრული ვერსია წაიკითხეთ აპრილის ნომერში.
