კლიმატით დატყვევებულნი

ოდიუბონის ეროვნული საზოგადოების კვლევის თანახმად, კლიმატის ცვლილება საუკუნის ბოლომდე 314 სახეობის ფრინველს საბინადრო არეალს შეაცვლევინებს. გადაშენების საფრთხის წინაშე მყოფმა 200-მდე სახეობამ ხელსაყრელი კლიმატური პირობები, შესაძლოა, სათანადო ტემპერატურით, ნალექებითა და სეზონის ცვლილებით გამორჩეულ სხვა ადგილებში იპოვოს, თუმცა 126 სახეობა ვერსად წავა. „ჩრდილოეთ ამერიკის სახეობების ნახევარი გადაშენების პირასაა“, – ამბობს ოდიუბონის სამეცნიერო ხელმძღვანელი გერი ლენგემი.

მაგრამ, ლენგემი იმედს არ კარგავს. კვლევის ფარგლებში 100 კვ/კმ ფართობზე ხელსაყრელი კლიმატის რუკები შეიქმნა. მისი თქმით, „ყოველი სახეობის ხელსაყრელი კლიმატური არეალის რუკაზე აღნიშვნა და საფრთხის დონის განსაზღვრა კონსერვაციაში გვეხმარება“.