კულულების მეცნიერება
ამერიკის ფიზიკური საზოგადოების ჟურნალში გამოქვეყნებული კვლევით, რაც უფრო გრძელია ხვეული თმა, მით უფრო რთული სტრუქტურა აქვს
თუკი ხვეულ, ხუჭუჭა და ტალღოვან თმაში აიხლართეთ, მხოლოდ თქვენი სადარდებელი არ გეგონოთ. ეს ფიზიკოსებისა და ინჟინრების საფიქრალიც არის. რა გავლენას ახდენს თმაზე მიზიდულობის ძალა, სტრუქტურა და ფოლიკული? ასიმეტრიული ფოლიკულიდან ხვეული თმის ღერი იზრდება, სიმეტრიულისგან – სწორი. ამერიკის ფიზიკური საზოგადოების ჟურნალში გამოქვეყნებული კვლევით, რაც უფრო გრძელია ხვეული თმა, მით უფრო რთული სტრუქტურა აქვს. სწორი თმა ერთი მიმართულებით იზრდება, ხუჭუჭა კი იხვევა.
დავარცხნისას ხვეული თმა თითქმის არ ემორჩილება ფენის ცხელ ჰაერს. პერდიუს უნივერსიტეტის მკვლევრები იკვლევენ, თუ რა ტემპერატურაა თმის სიჯანსაღის შესანარჩუნებლად საჭირო.