გიორგის პირველი ნარკოტიკი მარიხუანა იყო. დღეს ოპიოიდების მოხმარების 15-წლიანი გამოცდილება აქვს. ნარკოტიკების, მათ შორის მარიხუანის მოხმარებისთვის რამდენჯერმე იყო დაკავებული. საქართველოში ნებისმიერ ნარკოტიკზე დამოკიდებულება და მოხმარება კი ისევე ისჯება, როგორც გაუპატიურება ან განზრახ მკვლელობა.

„დასჯაზე ორიენტირებული ნარკოპოლიტიკა ევროპული ქვეყნების დიდ ოჯახთან ვერასოდეს დაგვაახლოვებს“, – მიიჩნევს გიორგი. „ახალი ვექტორი“, სადაც ის მუშაობს, სამხრეთ კავკასიაში პირველი ორგანიზაციაა, რომელიც ნარკომომხმარებლებმა დააარსეს. ის იცავს წამალდამოკიდებულთა უფლებებს, უწევს მათ ჯანმრთელობისთვის მნიშვნელოვან სერვისებს.

მიუხედავად იმისა, რომ ბოლო წლებში ქართული პოლიცია შესაშური მონდომებით აღრმავებს ცივილიზებული სამყაროსთვის უცხო ქუჩის ნარკოტესტირების პრაქტიკას, არც მსუბუქი და არც მძიმე ნარკოტიკის მოხმარების მასშტაბი არ იცვლება.

საქართველოს შინაგან საქმეთა სამინისტროს მონაცემებით, 2010-2013 წლებში საქართველოში ნარკოლოგიური შემოწმება 142 716 მოქალაქემ გაიარა. უცნობია, რამდენი იყო აქედან მარიხუანის მომხმარებელი, მაგრამ 2013 წელს ასეთ შემოწმებებზე დახარჯულმა თანხამ 3 მილიონ ლარს გადააჭარბა… 

სრული ვერსია წაიკითხეთ ივნისის ნომერში.