კვებისა და საყიდლებზე სიარულის ჩვევების მცირედ ცვლილებასაც კი შეუძლია თქვენ მიერ გამოყოფილი ნახშირბადშემცველი აირების რაოდენობის შემცირება.

გახდე ვეგანი ან ვეგეტარიანელი, არის ერთ-ერთი გზა, შეამცირო შენი გავლენა სათბურის აირების ემისიაზე. პერდიუს უნივერსიტეტის კვლევის თანახმად, მცირედ ცვლილებებს, ჯანმრთელობის გაუმჯობესებასთან ერთად, სხვა ცვლილებების მოხდენაც შეუძლიათ.

2010 წლის მონაცემებით, აშშ-ის 57 000-ზე მეტ ოჯახში სურსათის შესყიდვების ანალიზის შემდეგ, მკვლევრებმა შენიშნეს, რომ 71%-ზე მეტს შეუძლია შეამციროს საკუთარი „ნახშირბადის ნაკვალევი“ სამი ცვლილებით:

გამოტოვეთ არაჯანსაღი სასუსნავი
მაღალკალორიული და დაბალი კვებითი ღირებულების მქონე საკვების თავიდან არიდებას შეუძლია შეამციროს ოჯახში საკვების მოხმარების გავლენა ჯამური ნახშირბადშემცველი აირების რაოდენობაზე.

თავი შეიკავეთ საბითუმო შესყიდვებისგან
სახლში, სადაც ერთი ან ორი ადამიანი ცხოვრობს, ფულის დაზოგვის მცდელობა საბითუმო შესყიდვებით, შესაძლოა, საკვების გადაყრით დასრულდეს. სანამ დიდ შეფუთვას იყიდი, გაითვალისწინე, რომ პროდუქტი შეიძლება მოხმარებამდე გაფუჭდეს.

შეკვეცეთ მზა საკვები
მიკროტალღური ღუმლის ერთხელ გამოყენებას შეიძლება არ ჰქონდეს დიდი გავლენა, თუმცა მზა საკვების დიდი რაოდენობით გაყიდვა აძლიერებს ნახშირბადშემცველი აირების გამოყოფას.

ერთი შეხედვით მცირე ცვლილებებს შეუძლია იქონიოს გავლენა: ამ ცვლილებებით შესაძლებელი იქნებოდა სახლში აირების გამოყოფის დაახლოებით მეოთხედით შემცირება. „კოლექტიურ მოქმედებას უზარმაზარი გავლენის მოხდენა შეუძლია“, – ამბობს კვლევის თანაავტორი ჰუა კაი.

თუ გაინტერესებს, კიდევ რისი გაკეთება შეგიძლია შენი პლანეტისთვის, ეწვიე: nationalgeographic.ge/category/planet.