La Strada

მეინარდ ოუენ უილიამსმა 1919 წელს დაიწყო კორესპონდენტად მუშაობა National Geographic-ში. იგი სამოგზაურო ფოტოგრაფიის ერთ-ერთ ფუძემდებლად ითვლება; ბევრი ფოტო გადაიღო საქართველოშიც, რომლებიც National Geographic-ის არქივშია დაცული და არასოდეს გამოქვეყნებულა. ამ ფოტოს მეინარდმა ასეთი მინაწერი გაუკეთა:

“ერთ-ერთი ძველი საფოსტო სადგური ჯერაც არ გაუუქმებიათ. ეს თბილისიდან ვლადიკავკაზისკენ მიმავალი ავტობუსების მგზავრებისათვის დასასვენებელი და სასაუზმე ადგილია. თბილისიდან ვლადიკავკაზამდე რვა საათის სავალია, მგზავრობა 17 რუბლი (დაახლოებით 8,5 აშშ დოლარი) ღირს. საავტომობილო გზა კავკასიის გარშემო მატარებლით შემოვლითი გზის ალტერნატიული საშუალებაა. მწვანე მდელოები, ლამაზი მაჩრდილობელი ხეები და ზაფხულის სასიამოვნო ნიავი”.

ამ მინაწერში ჩვენთვის ბევრი “დაფარული” საინტერესო ამბავია; ზედაპირზე კი 1927 წლის სავალუტო გაცვლის კურსია – თურმე, მაშინ ერთი დოლარი ორი რუბლი ღირდა.