მძიმე წყალი

ფოტოგრაფი ეშლი გილბერტსონი, UNICEF-ისთვის წყლის ხელმისაწვდომობის შესახებ ინფორმაციის მისაწოდებლად 6 ქვეყანაში მცხოვრებ სხვადასხვა ოჯახს ესტუმრა. ის ჯერ არკვევდა, რა რაოდენობით წყალს მოიხმარდა თითოეული ოჯახი, შემდეგ ამ რაოდენობას პლასტმასის კონტეინერებში ასხამდა და მათ ფონზე უღებდა ფოტოს.

მიუხედავად იმისა, რომ წყლის შეგროვება, გასუფთავება, საკვების მომზადება და სახლის დალაგება ქალებს ევალებოდათ, პირველი მაინც მამაკაცები პასუხობდნენ შეკითხვებს. „ესენი იყვნენ მამაკაცები, რომლებსაც წარმოდგენაც არ ქონდათ, რამხელა სირთულესთან იყო დაკავშირებული წყლის მოპოვება და რა რაოდენობით წყალი სჭირდებოდა მათ ოჯახებს”, იხსენებს ის.

ნანახმა უთანასწორობამ გილბერტსონი გააოცა. ზოგ ქალს კილომეტრების გავლა უწევდა უახლოეს წყარომდე მისასვლელად. „ამ საკითხს დიდი გენდერული დატვირთვა აქვს”, ამბობს ლესლი პორისი Water.org-დან. „იქ, ადაც წყალი შეზღუდული გრაფიკით, დღის მხოლოდ გარკვეულ მონაკვეთში მოდის, ადამიანი მთელ დღეს ამ საქმეს ახმარს”.

გილბერტსონმა სამყაროს მეტად განვითარებული ნაწილის წყლის მოხმარების ასახვაც გადაწყვიტა. როდესაც ნიუ- იორკში დაბრუნდა, აღმოაჩინა, რომ მისი ოჯახი დღეში 1000 ლიტრ წყალს მოიხმარს.

„ონკანს ვატრიალებ და ყალი მოდის”, ამბობს გილბერტსონი. „როდესაც საკუთარი თვალით ნახავ, რა ძნელია წყლის შეგროვება, მის ფასს იზიკურადაც გრძნობ – ის ძალიან მძიმეა”.

წყალი რიცხვებში

200 ლიტრ წყალს მოიხმარენ მასაედები დღეში, 7800 ლიტრს კი – მათი 700 ცხვარი. იორდანია. ზემოთ მარცხნივ.

1 000 ლიტრ წყალს მოიხმარს გილბერტსონის ოჯახი დღეში. ნიუ-იორკი. ქვემოთ მარცხნივ.

220 ლიტრ წყალს მოიხმარს სარკერის ოჯახი დღეში. ინდოეთი. ზემოთ მარჯვნივ.

60 ლიტრ წყალს მოიხმარს მაჰამადუს ოჯახი დღეში – ნიგერი. ქვემოთ მარჯვნივ.