მეთანის ტბები

დედამიწის მსგავსი ადგილები არ არსებობს, მაგრამ სატურნის თანამგზავრი ტიტანი ატმოსფეროთი, სეზონურობითა და კლდოვანი ზედაპირით, შესაძლოა, მისი უახლოესი ნათესავი გამოდგეს. ბოლო მტკიცებულება ასეთია: ტიტანის ზედაპირზე სითხეა. NASA-ს კოსმოსურმა ხომალდმა „კასინიმ“, რომელიც 2004 წლიდან აკვირდებოდა სატურნს, სამი ზღვის მაღალი გარჩევადობის გამოსახულებები გადაიღო. ზღვების ზომა ორჯერ აღემატება ჩრდილოეთ ამერიკის დიდ ტბებს. ზღვებში არ არის წყალი. სამაგიეროდ არის მეთანი და ეთანი მინუს 180°C ტემპერატურით. ვარაუდობენ, რომ ზღვები შეიცავენ დედამიწაზე სიცოცხლის გაჩენამდე არსებულ ნაერთებს. ასტროგეოლოგ რენდოლფ კირკის თქმით, „საინტერესოა, რომ ფიზიკური თვისებებით ტიტანი ჰგავს დედამიწას, ქიმიურად კი – სრულიად განსხვავდება“.