მხატვარი დასავლეთში მიდის

ხალხი იელოუსტოუნს მხოლოდ ჯოჯოხეთური გეიზერებით მოფენილ ველურ ადგილად მოიაზრებდა. 1872 წელს იელოუსტოუნმა მსოფლიოში პირველი ეროვნული პარკის სტატუსი მიიღო და საოცრებათა ქვეყნის სახელიც შეიძინა. ერთი წლით ადრე, მხატვარი თომას მორანი და ფოტოგრაფი უილიამ ჰენრი ჯექსონი შეუერთდნენ ამ მხარის პირველ სამთავრობო კვლევით ექსპედიციას. ორ კვირაში მორანის ალბომი გაივსო მომაჯადოებელი პეიზაჟების ჩანახატებით. კვლევის შედეგები, ჯექსონის ფოტოები და მორანის აკვარელით შესრულებული ნაშრომი კონგრესს წარედგინა. „ფოტოებზე კარგად ჩანდა, რა იყო იელოუსტოუნი“, – ამბობს ელეონორ ჰარვეი, სმიტსონის ხელოვნების ამერიკული მუზეუმის უფროსი კურატორი.

მორანმა ზოგიერთი ესკიზი 2X3,5 ზომის ტილოებზე გადაიტანა (იხ. ფოტო). ოქროსფრად მოელვარე ხეობა და „იელოუსტოუნის დიდი კანიონის“ აზვირთებული ლოუერ-ფოლსი მნახველებს აჯადოებდა. „ენითაუწერელია მისი გრანდიოზულობა და მშვენიერება“, – აცხადებდა პერიოდული გამოცემა „Ladies’ Repository“.