მთავარი მეფუტკრე

თეთრი სახლი სავსეა – ფუტკრებით. მეფუტკრე ჩარლი ბრანდტსი 2009 წლიდან რამდენიმე კოლონიას უვლის. თაფლი რეზიდენციაში საკვებად და საჩუქრებად გამოიყენება. ფუტკრის ყველა კოლონიის მსგავსად, პენსილვანიის გამზირ 1600-ში განლაგებული კოლონიებიც განიცდიან დანაკლისს, ასე რომ, ინსპექციები და ტკიპაზე ტესტირება ბრანდტსის რუტინულ დავალებებში შედის, თუმცა, ამბობს, რომ ის ტიპურ მეფუტკრეობას მაინც ვერ ეწევა: „სანამ ჩემს საბოლებელს დავანთებ, საიდუმლო სამსახური უნდა გავაფრთხილო.

1. საკვებური
გამოიყენება შემოდგომაზე ფუტკრებისათვის შაქრის სიროფის საკვებად მისაწოდებლად. 

2. საბოლებელი
გრილი ბოლი ფუტკრებს ინსპექტირების ან ტრანსპორტირებისას აბრუებს.

3. პირბადე
მაგრდება ქურთუკზე; ბადე მეფუტკრის თავს, განსაკუთრებით თვალებს იცავს.

4. ქურთუკი  
ელასტიკური მანჟეტები და წელის ქამარი ნანესტრების შემცირებას ეხმარება და ტანსაცმელს სუფთად ინახავს. 

5. გამადიდებელი მინა
ფიჭის სიღრმეში უჯრედების შესამოწმებლად.

6. მარკირების საღებავი და მილი 
დედა ფუტკრის სწრაფად შესამჩნევად მის თორაქსზე ფრთხილად სვამენ საღებავით წერტილს.

7. ხის ჩარჩოები 
სკაში დამაგრებული მოსახსნელი ჩარჩოები ფიჭის ფორმირებისთვის საყრდენს ქმნის.

8. თაფლი  
2011 წლის ზაფხულში აღებული თეთრი სახლის თაფლის ქილა.

9. ასტამი
გამოიყენება სკიდან ჩარჩოების ამოსაღებად, საფხეკად და დასათვალიერებლად.

10. სკის დასახუფი ჯოხი
სკა იხუფება ისეთ საზოგადოებრივ დღესასწაულებზე, როგორიც სააღდგომო კვერცხების ძებნაა.

11. ფუნჯი  
თაფლის შეგროვებისას ფუნჯი ნაზად და სწრაფად აშორებს ფუტკრებს ჩარჩოებიდან.

12. თივა  
თივა საბოლებლის საწვავად, სკის იზოლაციისათვის და მასში ტენიანობის გასაკონტროლებლად გამოიყენება.