ომი ყალბი პანაცეისთვის
მარტორქებს ხოცავენ, რადგან მისი რქის ფასი შავ ბაზარზე ოქროს არ ჩამოუვარდება
-
-
-
-
ბმული კოპირებულია
ამ ომმა 2006 წლის შემდეგ, ათასზე მეტი ცხოველის სიცოცხლე შეიწირა. სამხრეთ აფრიკის რესპუბლიკაში 2011 წელს 22 ბრაკონიერი ტყვიის მსხვერპლი გახდა, 200-ზე მეტი კი, დააპატიმრეს. აღნიშნული სისხლიანი კონფლიქტის მიზეზი მარტორქის რქაა – ტრადიციული აზიური მედიცინის ძვირფასი ინგრედიენტი. ფასები შავ ბაზარზე ძალიან მერყეობს. 2011 წლის შემოდგომაზე ვიეტნამელი მოვაჭრეების დადგენილი ფასით, ერთი გრამის ღირებულება 33-დან 133-დოლარამდე მერყეობდა, რაც ორჯერ აღემატება ოქროს ფასს და, შესაძლოა, კოკაინის ფასსაც გადააჭარბოს.
ბრაკონიერთა ბანდები მარტორქების საპოვნელად კვალის ამღებებს ქირაობენ. ისინი შებინდებამდე კვალში უდგანან მარტორქას და როცა მიაგნებენ, რაციით ატყობინებენ სპეციალური შაშხანით შეიარაღებულ მსროლელს. მოკლულ მარტორქას წუთში აძრობენ ორივე რქას, ვეებერთელა ლეშს კი აფთრებისა და სვავების საჯიჯგნად ტოვებენ. რქებს, როგორც წესი, ძირითადად აზიელები ყიდულობენ. ამ „ოქროს ციებ-ცხელების“ მიზეზების ახსნა ძალიან ძნელია. რქის მოპოვების მანიაკალურ სურვილს კი ასაზრდოებს ცნობილი მომხმარებლების შესახებ ცნობები, შავ ბაზარზე მზარდი ფასები და მოარული ხმები, რომლის თანახმადაც, აზიური მარტორქის რიცხოვნობა მცირდება. მაგრამ, აღსანიშნავია მარტორქის რქის სასწაულმოქმედი სამკურნალო თვისებებით გამოწვეული ბუმიც. სულ ცოტა, 2000 წელი აზიურ მედიცინაში მარტორქის წვრილად დაფხვნილ რქას სიცხის დამწევ საშუალებად და უამრავი დაავადების სამკურნალოდ იყენებდნენ.
სრული ვერსია წაიკითხეთ მაისის ნომერში.
