პაბები იხურება?

ისევე როგორც ფრანგული კაფე, ბრიტანული პაბი უფრო მეტია, ვიდრე უბრალოდ დასალევი ადგილი. მუდმივი კლიენტებისთვის ის მეორე სახლი და ურთიერთობების დამყარების საშუალებაა.

მაგრამ დიდ ბრიტანეთში პაბების რაოდენობა ათწლეულებია მცირდება. 2008 წლიდან დაახლოებით 7000 დაიხურა. ყოველკვირეულად 31 პაბზე მეტი იკეტება, ამბობს ნილ უოლკერი მომხმარებელთა უფლებების დაცვის ორგანიზაციიდან (Campaign for Real Ale).

გემოვნებისა და კანონების ცვლილებამ, ასევე, იაფი ლუდის გამყიდველი სუპერმარკეტებისა და რესტორნების ზრდამ, პაბების დახურვა გამოიწვია, ამბობს პაბების ქომაგი ჯონ ლონგდენი. ამის შედეგია: „ნაკლები პაბი, მაგრამ უფრო მრავალფეროვანი დასალევი ადგილი“, – ამბობს ის.

„თუ პაბები ვერ გაითავისებენ საზოგადოებაში მომხდარ სოციალურ-ეკონომიკურ ცვლილებებს, განწირულები არიან“, – ამბობს ლონგდენი.