ვინ:
ირაკლი დოლიძე, 27 წლის ფოტოგრაფი რუსთავიდან
სად:
ქ. რუსთავი, „ახალგაზრდობის პარკი“
რა:
Canon 5D Mark II, Canon EF 50მმ f/1.8 + 10X, macro magnifier
ამბავი:
პეპლები ჩვენთვის სინაზესთან, სილამაზესა და გაზაფხულთან ასოცირდება, თუმცა საინტერესოა, როგორია მათი თვალით დანახული სამყარო? – ალბათ სწორედ ისეთი, როგორადაც ის ირაკლი დოლიძემ წარმოგვიდგინა.
„პეპლების სამყარო“ ყურადღებას იპყრობს ფერთა გამის ჰარმონიული გრადაციით, საოცარი სიზუსტით წარმოჩენილი პაწაწინა მწერით, ციცქნა ყვავილებზე რომ ჩამომჯდარა და ზუსტი კომპოზიციით, რომელიც მნახველს პეპლების გასაოცრად ფაქიზსა და წარმავალ მაკროსამყაროში ეპატიჟება. „როდესაც ამ პაწაწინა არსებებს ეძებ და შემდეგ მათ სამყაროში „იჭყიტები“, ხანდახან თვალებშიც უყურებ და ელაპარაკები“, – წერს ფოტოს ავტორი, – „ამ დროს, ცდილობ, კადრი დაიჭირო და მათი სილამაზე სამუდამოდ აღბეჭდო. ამას, ალბათ, ბუნების სიყვარული ჰქვია“.
გახდი National Geographic საქართველოს YourShot-ის ნაწილი და გააზიარე შენი კადრი yourshot.natgeo.ge