პირველი გეოთერმული?

მონსერატი (კარიბის კუნძული), შესაძლოა, პირველ „მწვანე“ კუნძულად იქცეს. 20 წლის წინ იქ სუფრიერ-ჰილსის ვულკანი ამოიფრქვა. დღეს იმავე გეოლოგიურ ძალებს განახლებადი გეოთერმული ენერგიით კუნძულის მომარაგება შეუძლია. მონსერატი იმპორტირებულ საწვავს იყენებს. მაგრამ ფილების ტექტონიკასა და ვულკანურ აქტივობას მაგმა მიწის ზედაპირთან ამოაქვს, ამიტომ გეოთერმული ჭაბურღილებით შესაძლებელი ხდება მის ქვეშ განთავსებული ცხელი რეზერვუარების გამოყენება.

შარშან, დიდი ბრიტანეთის ფინანსური ხელშეწყობით, ოკლენდის უნივერსიტეტის მკვლევარმა გრეიამ რაიანმა და მეცნიერთა და ინჟინერთა ინტერნაციონალურმა გუნდმა ჭაბურღილის განსათავსებელი ორი წერტილი მონიშნეს. პირველი აღმოჩენები გვაფიქრებინებს, რომ იქ საკმარისი გეოთერმული ენერგიაა ელექტრომომარაგების სისტემის უზრუნველსაყოფად.