პოლიტიკური ცხოველები

პოლიტიკური ძვრების დროს, შესაძლოა, ველური ფაუნაც დაზარალდეს. ჯგუფმა, რომელსაც ეკოლოგი ევგენია ბრაგინა ხელმძღვანელობს, შეისწავლა, თუ რა გავლენა მოახდინა საბჭოთა კავშირის დაშლამ დიდი ძუძუმწოვრების რვა სახეობაზე: ჩრდილოეთის ირემზე, ევროპულ შველზე, კეთილშობილ ირემზე, ლოსზე, გარეულ ღორზე, მურა დათვზე, ფოცხვერსა და მგელზე.

საბჭოთა კავშირის დაშლამდე (1991 წელს) და დაშლის შემდეგ ათწლეულებში ყველა პოპულაციაში ძლიერი რყევა გამოვლინდა. გარეული ღორის, მურა დათვისა და ლოსის რიცხოვნობა სწრაფად შემცირდა დაშლის შემდგომ პერიოდში, სავარაუდოდ, ბრაკონიერობის, საკვების მოსაპოვებელი ტერიტორიების დაკარგვისა და ველური ბუნების დაცვის კანონმდებლობის უმოქმედობის გამო. გაიზარდა მხოლოდ მგლების რაოდენობა – 150%-ზე მეტით, ალბათ იმიტომ, რომ დასრულდა მათი პოპულაციის კონტროლის პროგრამები.

სოციალურ-პოლიტიკურმა ქაოსმა შეიძლება შინაურ საქონელზეც იქონიოს გავლენა. მოშინაურებული ჩრდილოეთის ირმების რიცხვი მკვეთრად დაეცა 1991 წლის შემდეგ.