პოლოკის ტილო

ვინ:
ნიკა ფაილოძე (და მიანე), 25 წლის, ფოტოგრაფი

სად:
კოჯორი

რა:
Canon EOS 700D 18-55 ლინზით

ამბავი:
მიტოვებული სახლის ფანჯარაში დანახული ეს სურათი კიდევ ერთხელ გვახსენებს, რომ ბუნება ბრძოლას არასოდეს წყვეტს. „კოჯორში, ლამაზ სახლებს შორის, რომელთა ღობეების მიღმაც რთულია რამე დაინახო, შევნიშნე ზოგადი პეიზაჟიდან ამოვარდნილი ობიექტი. მისმა რუხმა კედლებმა ჩემი ყურადღება მიიპყრო“, – ამბობს და მიანე. ფოტოგრაფი ნანგრევებს მიუახლოვდა და წარმოიდგინა, თუ რა ბედი ეწეოდა მიტოვებული სახლის გარშემო არსებულ ლამაზ სახლებსაც, თუკი მათზე აღარავინ იზრუნებდა. იმან, რაც ბეტონის კედელში დატოვებულ ღიობში დაინახა, მას არაერთგვაროვანი გრძნობები აღუძრა: „ვიდექი ამ უსახური ქმნილების წინ და ფანჯრიდან ადამიანების მაგივრად ეკალბარდები მიყურებდნენ. ჯექსონ პოლოკის ფანტასტიკური აბსტრაქციები გამახსენდა“. 

გახდი National Geographic საქართველოს Your Shot-ის ნაწილი და გააზიარე შენი კადრი yourshot.natgeo.ge