პუტინის ფართი
კრასნაია-პოლიანაში კავკასიონის ცამდე აზიდულ მწვერვალებს შორის ხეობებში მხოლოდ ერთი გზა გადის
პუტინის ფართი
კრასნაია-პოლიანაში კავკასიონის ცამდე აზიდულ მწვერვალებს შორის ხეობებში მხოლოდ ერთი გზა გადის
-
-
-
-
ბმული კოპირებულია
რუსეთი აღარაა იმპერია. თუმცა სხვა დიდი სახელმწიფოებივით იმპერიული სული შეინარჩუნა. და აი, თებერვალში მთელი ორი კვირა მას დიდი ამბიციების დაკმაყოფილების საშუალება ეძლევა. რუსული ახირებით ზამთრის ოლიმპიადა ერთობ უჩვეულო ადგილას იმართება – სოჭში, შავი ზღვის სანაპიროზე, საქართველოსთან გადატანილი უახლესი ომის მახლობელ ტერიტორიაზე. სწორედ აქ მოხდა ის, რასაც ბევრი ჩერქეზი ხალხი გენოციდს უწოდებს. დღეს სოჭი ისლამისტური ამბოხების არეალშიცაა (დაღესტანი, ჩეჩნეთი, ინგუშეთი და ყაბარდო-ბალყარეთი) მოქცეული. „მშვიდობის დასაცავად“ სახელმწიფომ შიშის ზარის დამცემი, კაზაკთა მილიცია აღადგინა. მშვიდობას აქ ბევრი ემტერება. ამბობენ, კორუფცია ყვავისო, მაღალი ტემპერატურა შეჯიბრისთვის აუცილებელ თოვლის საფარს საფრთხეს უქმნისო. აქტივისტები მონაწილე ქვეყნებს ოლიმპიადის ბოიკოტირებისკენ მოუწოდებენ, რუსეთის პარლამენტის მიერ ჰომოსექსუალთა უფლებების შემლახავი კანონის მიღების გამო. პუტინმა ამის საპასუხოდ ოლიმპიადის მიმდინარეობისას სოჭში ყოველგვარი საპროტესტო აქცია აკრძალა.
კრასნაია-პოლიანაში კავკასიონის ცამდე აზიდულ მწვერვალებს შორის ხეობებში მხოლოდ ერთი გზა გადის. სულ რამდენიმე წლის წინ ეს მოკრძალებული სოფელი იყო რამდენიმე ათასი მოსახლით, რომელიც თავისი ხელუხლებელი ბუნების მშვენიერებას გაუკვალავ თოვლში სრიალით არღვევდა.
ახლა მასობრივი მშენებლობისა და 20 000 მიგრანტი მუშის წყალობით ყველაფერი შეიცვალა. კიდევ უფრო ადრე, 1864 წელს ამ ხეობაში ჩახოცეს ხალხი, რომლის არსებობაც გარე სამყარომ მხოლოდ ახლა გაიხსენა. ეს იყო უკანასკნელი ბრძოლა ერთ პატარა, ბაკურიანის მსგავს დასახლებაში (ახლა „კრასნაია-პოლიანა“, ანუ, „ლამაზი ველი“).
სრული ვერსია წაიკითხეთ იანვრის ნომერში.
