რა სქესისაა ვიკინგი?

როცა დანიურ მოვერცხლილ ფიგურას პირველად დაინახავთ, გაიფიქრებთ, რომ ეს გრძელკაბიანი ქალია. 4,7 სმ-იანი გახვრეტილი ფიგურა, ალბათ, ვინმე მნიშვნელოვან პიროვნებას, შესაძლოა, მე-9 საუკუნის რელიგიის მსახურს უმშვენებდა ყელს. ოსტფინსის მუზეუმების კურატორი კლაუს ფევეილი ამ კულონს გასული წლის აპრილიდან – მისი აღმოჩენის დღიდან იკვლევდა. ის თვლის, რომ ფიგურა, შესაძლოა, წარმოადგენდეს სკანდინავიურ ღვთაებას – ქალღმერთს ან თუნდაც ღმერთს ქალის იერსახით. „მუცელზე ხელებდაწყობილი ერთი-ორი სხვა ფიგურაც გვინახავს, – ამბობს ფევეილი, – მაგრამ ისინი შიშვლები და ნამდვილად მამაკაცები არიან“.