შედევრის შექმნა
ფოტოგრაფი დოკუმენტურად აღბეჭდავს NASA-ს ჯეიმს ვების კოსმოსური ტელესკოპის აწყობას – პროექტს, რომელიც 12 წელწადი გაგრძელდა.
შედევრის შექმნა
ფოტოგრაფი დოკუმენტურად აღბეჭდავს NASA-ს ჯეიმს ვების კოსმოსური ტელესკოპის აწყობას – პროექტს, რომელიც 12 წელწადი გაგრძელდა.
-
-
-
-
ბმული კოპირებულია
ფოტოგრაფი აღბეჭდავს „რაღაც განსაკუთრებულს“: ახალი კოსმოსური ობსერვატორიის შექმნის კომპლექსურ ძალისხმევას.
თუ გინახავთ ჯეიმს ვების კოსმოსური ტელესკოპის აწყობის ამსახველი ფოტოები, ისინი დიდი ალბათობით კრის განმა გადაიღო.
2009 წელს NASA-მ სამეცნიერო-ტექნიკურ ფოტოგრაფად განი შეარჩია. მან 12 წელი დაუთმო ობსერვატორიის აგების ფოტოდოკუმენტირებას გოდარდის კოსმოსური ფრენების ცენტრში – პირველი „შასის“ მიტანიდან მის კოსმოსში გაშვებამდე. ყველა ქანჩის, ჭანჭიკის და სარკის გადაღება მოასწრო? „ზოგადად რომ ვთქვათ, დიახ, თუმცა დარწმუნებული ვარ, მოიძებნება ისეთი ჭანჭიკები და ქანჩები, რომლებიც არ გადამიღია“, – სიცილით პასუხობს იგი.
„ჩემთვის ჯადოქრობა დიდი ნაწილების შეერთებით იწყება, როდესაც უკვე შეგიძლია კონსტრუქციას ტელესკოპი უწოდო“, – ამბობს იგი. „შედარებით უფრო უჩვეულო ნაწილების გამოჩენისას, როგორიცაა სარკე, დანამდვილებით ვიცოდი, რომ უკვე რაღაც განსაკუთრებული იწყებოდა“.
10 ივლისი, 2014 რედონდო-ბიჩში (კალიფორნია) კომპანია Northrop Grumman-ის ინჟინრები ახალი ობსერვატორიისთვის შექმნილი ხუთშრიანი მზის ფარის საცდელი ვერსიის გასაშლელად ემზადებიან.
25 აპრილი, 2016 პროექტზე კრის განის მუშაობის დაწყებიდან მეშვიდე წელს ჯეიმს ვების კოსმო- სური ტელესკოპი უკვე ფორმას იძენს. მერილენდში, გრინბელტში, NASA-ს გოდარდის კოსმოსური ფრენების ცენტრის სუფთა ოთახში, ტექნიკოსები მოოქრულ მთავარ სარკეს დამცავ საფარებს ხსნიან.
1 დეკემბერი, 2017 NASA-ს ჯონსონის კოსმოსურ ცენტრში (ჰიუსტონი) 8 სართულის სიმაღლის ამწიდან განი ფოტოს უღებს ტელესკოპს თერმობაროკამერიდან გამოტანისას, სადაც მასზე 100 დღის განმავლობაში კრიოგენური ტესტირება მიმდინარეობდა. განის თქმით, წარმატებული ტესტის შემდეგ მომუშავეთა სიხარული ცხადი იყო.
16 სექტემბერი, 2021 ტექნიკოსები აკვირდებიან მასიური, თუმცა მყიფე ტელესკოპის გვერდზე დაწვენას, როდესაც მას კურუს კოსმოდრომზე (საფრანგეთის გვიანა) გასაგზავნად ამზადებენ.
10 ივლისი, 2014 რედონდო-ბიჩში (კალიფორნია) კომპანია Northrop Grumman-ის ინჟინრები ახალი ობსერვატორიისთვის შექმნილი ხუთშრიანი მზის ფარის საცდელი ვერსიის გასაშლელად ემზადებიან.
25 აპრილი, 2016 პროექტზე კრის განის მუშაობის დაწყებიდან მეშვიდე წელს ჯეიმს ვების კოსმო- სური ტელესკოპი უკვე ფორმას იძენს. მერილენდში, გრინბელტში, NASA-ს გოდარდის კოსმოსური ფრენების ცენტრის სუფთა ოთახში, ტექნიკოსები მოოქრულ მთავარ სარკეს დამცავ საფარებს ხსნიან.
1 დეკემბერი, 2017 NASA-ს ჯონსონის კოსმოსურ ცენტრში (ჰიუსტონი) 8 სართულის სიმაღლის ამწიდან განი ფოტოს უღებს ტელესკოპს თერმობაროკამერიდან გამოტანისას, სადაც მასზე 100 დღის განმავლობაში კრიოგენური ტესტირება მიმდინარეობდა. განის თქმით, წარმატებული ტესტის შემდეგ მომუშავეთა სიხარული ცხადი იყო.
16 სექტემბერი, 2021 ტექნიკოსები აკვირდებიან მასიური, თუმცა მყიფე ტელესკოპის გვერდზე დაწვენას, როდესაც მას კურუს კოსმოდრომზე (საფრანგეთის გვიანა) გასაგზავნად ამზადებენ.
NASA-ს ზოგიერთი მენეჯერის აზრით, ჯეიმს ვების კოსმოსური ტელესკოპი „Apollo-ს მისიების თანასწორია მისი უნიკალურობის თვალსაზრისით“. ამ უდიდეს ობსერვატორიას ახლა დედამიწასთან 1,5 მილიონი კმ აშორებს. 2021 წელს კურუში (საფრანგეთის გვიანა) ამ ტელესკოპის გაშვების შემსწრე განმა სიხარულის, შფოთვისა და იმედის ნაზავი იგრძნო. „ცრემლები არ მომდიოდა, თუმცა ცოტაღა დამაკლდა“, – ამბობს იგი. „დავმუნჯდი. ერთადერთი რამ, რასაც ამდენივე ხანი დავუთმე, ქორწინებაში ყოფნა და შვილის აღზრდა იყო, თუმცა ეს ძალიან დიდი დროა ერთ პროექტზე სამუშაოდ. ძალიან სასიამოვნო გამოცდილება იყო“.
