შენახული მარწყვები

ნებისმიერი ხილ-ბოსტნეული სუნთქავს; დაკრეფის შემდეგაც აგრძელებს სუნთქვას და ნელ-ნელა ძველდება, შემდეგ კი მიკროორგანიზმები შლის მას. გაყინვა პროცესს მხოლოდ ცოტა ხნით ანელებს.

Apeel-ი სტარტაპია (სანტა-ბარბარა, კალიფორნია), რომელმაც ლიპიდების ექსტრაქციისა და მათი ფხვნილად გარდაქმნის საშუალება გამოიგონა. წყალში გახსნილი ეს ფხვნილი საჭმელად გამოსადეგ ბარიერს ქმნის, რომელიც წვენს ინარჩუნებს მიკროორგანიზმებს კი შიგნით არ უშვებს.

ფერმერებს ამ ხსნარის მინდორში გამოყენება შეუძლიათ, ხოლო დისტრიბუტორებს შეუძლიათ, შეფუთვები გაჟღინთონ, რაც ნაყოფის შენახვის ვადას დღეებითა და კვირებითაც კი გაზრდის.

Apeel-ის მთავარი მიზანი საკვებ ნარჩენებთან ბრძოლა და სამაცივრე მანქანების მოძრაობის შემცირებაა მინდვრებსა და მაღაზიებს შორის. შეიძლება, ამ ტექნოლოგიით მოხერხდეს მოსავლის აღების ადგილიდან მისი ძალიან შორს ტრანსპორტირება. „წარმოიდგინეთ მსოფლიო ცოცხალი პროდუქციის სეზონურობის გარეშე“, – ამბობს Apeel-ის ხელმძღვანელი, ჯეიმს როჯერსი.

სხვა ხილისგან განსხვავებით, მარწყვი დაკრეფისთანავე იწყებს გაფუჭებას. მეცნიერებმა საჭმელად ვარგისი, უხილავი ბარიერი შექმნეს, რომელსაც გაფუჭების შეჩერება წყლის დაკარგვისა და ოქსიდაციის შენელების საშუალებით შეუძლია.