თხილამურითა და ფრანით გავლილი 1000 კილომეტრი

ფრანით მოსრიალე სამ მოთხილამურეს არქტიკული ქარის ნაკადი დაეჯახა. სარა მაკნეირ-ლანდრის ფრანი გაიბერა, ხოლო მისი სამაგრები გაიჭედა და ჰაერის ტალღამ 6 მეტრზე აწია ჰაერში. ყინულზე სახით დაეცა, ჩაფხუტი გაიტეხა და უმალ დაკარგა გონება.

ამ შემთხვევამ კითხვის ნიშნის ქვეშ დააყენა ექსპედიციის ბედი, რომელსაც ის კაიაკერ ბენ სტუკესბერსა და ერიკ ბუმერთან ერთად ატარებდა. მაგრამ ამ სამეულმა მაინც განაგრძო გზა, მათი მიზანიც იგივე რჩებოდა – აღმოსავლეთიდან ჩრდილო-დასავლეთის მიმართულებით გრენლანდიის დაფარვა, თანაც, ფრანგამობმული თხილამურებით! მათ მართლაც გიგანტური ფრანები გამოებათ, რომ ქარის ნაკადი დაეჭირათ და მას მიჰყოლოდნენ.

„გრენლანდიაში ხომ ასეთი ხელსაყრელი ქარები და ლანდშაფტია”, ამბობს მაკნეირ-ლანდრი. მოგზაურობა დაიწყო სახიფათო ნაპრალებითა და უსწორმასწორო ყინულის საფარით, შემდეგ 11-კილომეტრიანი ყინულის კანიონი, რომელიც გაგრძელდა შმაგი მდინარით. მათ ნიჩბიანი ნავით უწევდათ მუხანათ და ყინულოვან ჩქერებზე ნავიგაცია. მხოლოდ ამის მერე დასრულდა მოგზაურობა. მაკნეირ-ლანდრიმ კი მოგვიანებით შეიტყო, რომ დაცემისას ზურგის მალა გაუტეხია.