ვინ:
ჩუ, 29 წლის, ყოფილი ინჟინერი, ფოტოგრაფი, სამხრეთ-დასავლეთ ჩინეთის ჩუნცინის მუნიციპალიტეტიდან.
სად:
უპერნავიკი, მეთევზეთა სოფელი ჩრდილო-დასავლეთ გრენლანდიაში, 1000 მოსახლით.
რა:
Sony ILCE-7RM3 კამერა 24-105 მმ ლინზით
ამბავი:
ჩუ გრენლანდიაში რამდენიმე წლის განმავლობაში მოგზაურობდა და მის მკაცრ პეიზაჟებს იღებდა. სოფელ უპერნავიკს წელს ის პირველად ესტუმრა და რამდენიმე დღის განმავლობაში ათვალიერებდა ფოტოების გადაღების ადგილებს. ერთ საღამოს, მზის ჩასვლისას, იგი აეროპორტის სიახლოვეს მთის ფერდზე შეჩერდა, საიდანაც სოფლის ხედებისა და მცხოვრებლების გადაღება დაუბრკოლებლად შეეძლო. საღამოს სინათლეში სახლიდან ერთი ოჯახი გამოვიდა და ჩუმაც დრო იხელთა. „ჰარმონიის დიდი გრძნობა დამეუფლა. არემარე თეთრი, ცივი თოვლით იყო დაფარული და საღამოს ლურჯი შეფერილობა მას კიდევ უფრო ცივ ელფერს აძლევდა, მაგრამ შუქმა ფანჯრებიდან, ქუჩის განათებამ და ოჯახმა სამყარო დაათბო“.
იხილეთ სხვა გამარჯვებული ფოტოები National Geographic-ის 2019 წლის მოგზაურობის ფოტოკონკურსიდან აქ: natgeo.com/travelphotocontest.