არაჩვეულებრივი მომენტები
National Geographic-ის ფოტოგრაფები რამდენიმე ყველაზე დასამახსოვრებელი კადრის გადაღების ამბავს გვიზიარებენ ახალ დოკუმენტურ სერიალში, რომელიც მათ ნამუშევრებს ეძღვნება.
არაჩვეულებრივი მომენტები
National Geographic-ის ფოტოგრაფები რამდენიმე ყველაზე დასამახსოვრებელი კადრის გადაღების ამბავს გვიზიარებენ ახალ დოკუმენტურ სერიალში, რომელიც მათ ნამუშევრებს ეძღვნება.
-
-
-
ბმული კოპირებულია
როგორი ადამიანი უნდა იყო, რომ ფოტოს გადასაღებად ქარბორბალას სდიო, ზვიგენებთან ჩაყვინთო ან კონფლიქტის ზონებში იმოგზაურო? ჯიმი ჩინი მეკლდეური, მოთხილამურე, ფოტოგრაფი და კინორეჟისორია, რომელსაც სახლში დაგროვილი National Geographic-ის ნომრების ფურცვლისას ეს კითხვა ბავშვობიდან გონებაში უტრიალებდა. 20 წელს რომ გადააბიჯა, ფოტოგრაფიით დაკავდა და მიზნად დაისხა ჩვენი ჟურნალისთვის ემუშავა.
2002 წელს ეს ოცნება აისრულა და მას შემდეგ ისიც მუდმივად ამტკიცებს, რომ საჭირო კადრის გადასაღებად ძალიან შორს შეუძლია წავიდეს და ძალიან დიდი სიმაღლე დაიპყროს. 2017 წელს, როდესაც მისმა მეგობარმა და მეკლდეურმა ალექს ჰონოლდმა იოსემიტის ეროვნულ პარკში ელ-კაპიტანის კლდეზე თოკის გარეშე ასვლა სცადა, ჩინი მას 600 მეტრის სიმაღლეზე დაკიდებული უღებდა. ჩინმა თავის მეუღლესა და შემოქმედებით პარტნიორთან, ელიზაბეთ ჩაი ვასარელისთან ერთად ჰონოლდის საგმირო საქმის შესახებ National Geographic-ის ოსკაროსანი დოკუმენტური ფილმი „თავისუფალი სოლო“ გადაიღო.
მონრეალი, კვებეკი, კანადა
2014 წლის ნოემბრის გამოცემის გარეკანისთვის National Geographic-ის მკვლევარმა ანანდ ვარმამ ათასობით კადრი გადაუღო ჭიამაიას, რომელსაც ჩაბღაუჭებული ჰყავდა პარაზიტოიდი კრაზანის ჭუპრი. კრაზანის ლარვა ჭიამაიას სხეულში განვითარდა, იქიდან დასაჭუპრებლად გამოსვლამდე კი მასპინძელი დაადამბლავა. პროცესში ჭიამაია ზომბივით თრთოდა. ბევრმა მკითხველმა მისწერა ვარმას, რომ ამ ფოტომ მწერებზე წარმოდგენა შეუცვალა, ანუ, ვარმას თქმით, „ადრე საძაგელ არსებებად მიმაჩნდნენ, მაგრამ ახლა ვფიქრობ, რომ მაგარი ტიპები არიანო“.
კენედის კოსმოსური ცენტრი, ფლორიდა, აშშ
2011 წლის 16 მაისს კოსმოსური შატლი Endeavour 19-წლიანი კარიერის ბოლო მისიის შესასრულებლად ღრუბლებში აიჭრა. წინა დღეს უინტერსმა გამშვები პლატფორმის გარშემო ბგერით აქტივირებული კამერები დააყენა. რაკეტის ამაჩქარებლების აღმუვლებისას აპარატებიც აჩხაკუნდა. ამ კადრის გადასაღებად კი სხვა კამერა გამოიყენა, რომელზეც ექსპოზიცია შეამცირა, უფრო დრამატული ეფექტის მისაღწევად.
„ძირითადად პორტრეტებზე ვმუშაობ, მაგრამ როდესაც სხვა პროექტებში ვერთვები, ამას განსაკუთრებული სიყვარულითა და გატაცებით ვაკეთებ. ძალიან გამიმართლა, NASA-სთან ოფიციალური თანამშრომლობის შესაძლებლობა რომ მომეცა. ბავშვობაში ასეთ რამეზე ვერც კი ვიოცნებებდი“.
ახალი სერიალისთვის კი ამ ორმა რეჟისორმა კამერა ფოტოგრაფებს მიაპყრო. მარტში „ფოტოგრაფის“ ექვსი სერია გამოვიდა, რომლებიც, ჩინის თქმით, მნახველებს „მსოფლიოს ყველაზე საოცარ ვიზუალურ მთხრობელთაგან რამდენიმეს“ აცნობს. „ყოველთვის გვაინტერესებდა იმ ხალხის ამბები, რომლებიც ადამიანური გამოცდილების საზღვრებს სცდებიან“. ისეთი რამის გაკეთება, რაც ჯერ არავის გაუკეთებია ან ისეთი კადრის აღბეჭდვა, რომელიც ჯერ არავის უნახავს, „ერთი და იგივე ინსტინქტის“ ნაყოფია, გვიხსნის ჩინი.
სერიალში წარმოდგენილ ფოტოგრაფებს პროფესიისადმი თავდადება აერთიანებს და ისინი თვითონ გვიამბობენ დაუვიწყარი კადრების შესახებ, პაწაწინა ცხოველებსა თუ კოსმოსურ მოგზაურობებზე. – ჰიქს ვოგანი
კრისტლ რაიტი იმპერიალი, ნებრასკა, აშშ ფოტოგრაფი კრისტლ რაიტი და ქარიშხლებზე მონადირეები აქ 2019 წლის მაისში სწორედ იმ დროს აღმოჩნდნენ, როდესაც ელვის მტყორცნელი, უცხოპლანეტელთა ხომალდის ფორმის შტორმი ფერმას მიადგა. საოცრად გაგვიმართლა, სწორედ ამ დროს რომ მივუსწარით, იხსენებს რაიტი. კოლორადოდან შტორმს და სეტყვას გამოქცეულები ნებრასკაში გადავიდნენ და ამ სტიქიურ მოვლენას მისი სიმძლავრის კულმინაციურ მომენტში დაეწივნენ.
მუჰამედ მუჰეისენი ელ-მაფრაკი, იორდანია ზაჰრა მაჰმუდი იორდანიაში კარავში ცხოვრობს. აქ 2018 წელსაა გადაღებული, შვიდი წლის ასაკში. მუჰეისენმა, რომელიც National Geographic-ის მკვლევარია და ლტოლვილთა კრიზისს აღბეჭდავს, ზაჰრა მაჰმუდის ოჯახი 2015 წელს გაიცნო, როდესაც ისინი მშობლიური სირიიდან ომს გამოექცნენ. მას შემდეგ ყოველ წელს სტუმრობს ბანაკს და უღებს ზაჰრას, რომელიც ახლა უკვე თინეიჯერია. მუჰეისენის თქმით, მათი ამბის აღბეჭდვას მანამდე გააგრძელებს, სანამ სტაბილური საცხოვრებელი პირობები გამოუჩნდებათ.
კრისტინა მიტერმაიერი გალაპაგოსის კუნძულები 2021 წელს National Geographic-ის მკვლევრები – ფოტოგრაფი კრისტინა მიტერმაიერი და მისი პარტნიორი პოლ ნიკლენი – გალაპაგოსის კუნძულებზე დაცული საზღვაო ნაკრძალის გაფართოების პროექტის გაშუქებისას ერთად ყვინთავდნენ. დინებამ მიტერმაიერი რიფისკენ წაიყვანა, რომლის გარშემოც მოზრდილი ზვიგენი დაცურავდა, თუმცა ფოტოგრაფის ყურადღება Apogonidae-ს ოჯახის წარმომადგენელ თევზთა კაშკაშა გუნდმა მიიპყრო, რომელიც ზღვის ლომს უსხლტებოდა.
პოლ ნიკლენი ნუნავუტის პროვინცია, ჩრდილოეთი კანადა არქტიკული ზღვის ყინულის თანდათანობით გაქრობა მშიერ თეთრ დათვებს აიძულებს, სელაპებზე გაშლილ ზღვაში ინადირონ. 2004 წელს ნიკლენმა მოტივტივე ყინულის ნატეხის ქვეშ მცურავი მამრი დათვი გადაიღო, რომელსაც წყლის ზედაპირი ირეკლავდა. კადრის ამგვარი კუთხით დასაჭერად ნავიდან მაქსიმალურად გადაიხარა და აპარატი წყალქვეშ მოაქცია.
ჯიმი ჩინი იოსემიტის ეროვნული პარკი, კალიფორნია, აშშ ალექს ჰონოლდი ელ-კაპიტანის ფრიალო კლდეზე უსაფრთხოების აღჭურვილობის გარეშე მიიწევს ზემოთ. ეს ფოტო 2017 წელს ჯიმი ჩინმა გადაიღო. მისი თქმით, საუკეთესო ფოტოგრაფების საქმისადმი „თავდადება ლამის აკვიატებაში გადადის“.
კრისტლ რაიტი იმპერიალი, ნებრასკა, აშშ ფოტოგრაფი კრისტლ რაიტი და ქარიშხლებზე მონადირეები აქ 2019 წლის მაისში სწორედ იმ დროს აღმოჩნდნენ, როდესაც ელვის მტყორცნელი, უცხოპლანეტელთა ხომალდის ფორმის შტორმი ფერმას მიადგა. საოცრად გაგვიმართლა, სწორედ ამ დროს რომ მივუსწარით, იხსენებს რაიტი. კოლორადოდან შტორმს და სეტყვას გამოქცეულები ნებრასკაში გადავიდნენ და ამ სტიქიურ მოვლენას მისი სიმძლავრის კულმინაციურ მომენტში დაეწივნენ.
მუჰამედ მუჰეისენი ელ-მაფრაკი, იორდანია ზაჰრა მაჰმუდი იორდანიაში კარავში ცხოვრობს. აქ 2018 წელსაა გადაღებული, შვიდი წლის ასაკში. მუჰეისენმა, რომელიც National Geographic-ის მკვლევარია და ლტოლვილთა კრიზისს აღბეჭდავს, ზაჰრა მაჰმუდის ოჯახი 2015 წელს გაიცნო, როდესაც ისინი მშობლიური სირიიდან ომს გამოექცნენ. მას შემდეგ ყოველ წელს სტუმრობს ბანაკს და უღებს ზაჰრას, რომელიც ახლა უკვე თინეიჯერია. მუჰეისენის თქმით, მათი ამბის აღბეჭდვას მანამდე გააგრძელებს, სანამ სტაბილური საცხოვრებელი პირობები გამოუჩნდებათ.
კრისტინა მიტერმაიერი გალაპაგოსის კუნძულები 2021 წელს National Geographic-ის მკვლევრები – ფოტოგრაფი კრისტინა მიტერმაიერი და მისი პარტნიორი პოლ ნიკლენი – გალაპაგოსის კუნძულებზე დაცული საზღვაო ნაკრძალის გაფართოების პროექტის გაშუქებისას ერთად ყვინთავდნენ. დინებამ მიტერმაიერი რიფისკენ წაიყვანა, რომლის გარშემოც მოზრდილი ზვიგენი დაცურავდა, თუმცა ფოტოგრაფის ყურადღება Apogonidae-ს ოჯახის წარმომადგენელ თევზთა კაშკაშა გუნდმა მიიპყრო, რომელიც ზღვის ლომს უსხლტებოდა.
პოლ ნიკლენი ნუნავუტის პროვინცია, ჩრდილოეთი კანადა არქტიკული ზღვის ყინულის თანდათანობით გაქრობა მშიერ თეთრ დათვებს აიძულებს, სელაპებზე გაშლილ ზღვაში ინადირონ. 2004 წელს ნიკლენმა მოტივტივე ყინულის ნატეხის ქვეშ მცურავი მამრი დათვი გადაიღო, რომელსაც წყლის ზედაპირი ირეკლავდა. კადრის ამგვარი კუთხით დასაჭერად ნავიდან მაქსიმალურად გადაიხარა და აპარატი წყალქვეშ მოაქცია.
ჯიმი ჩინი იოსემიტის ეროვნული პარკი, კალიფორნია, აშშ ალექს ჰონოლდი ელ-კაპიტანის ფრიალო კლდეზე უსაფრთხოების აღჭურვილობის გარეშე მიიწევს ზემოთ. ეს ფოტო 2017 წელს ჯიმი ჩინმა გადაიღო. მისი თქმით, საუკეთესო ფოტოგრაფების საქმისადმი „თავდადება ლამის აკვიატებაში გადადის“.
