• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა
• 
  გალერეის გახსნა

მინაწერის გახსნა

გააზიარეთ ფოტო

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

მინაწერის გახსნა

საფრთხეში აღმოჩენილი წალკოტი
სივას ოაზისი, ეგვიპტე

ეგვიპტის თვალუწვდენელ უდაბნოში სივას ოაზისი 35 000 ადამიანს ასაზრდოებს. ის, ასევე, იზიდავს ტურისტებს, რომელთაც აქლემით გასეირნება, სენდბორდინგი თუ მლაშე ტბების ხილვა სურთ. თუმცა, ეს წყალსატევები საგანგაშო ვითარებაზე მიუთითებს.
1980-იან წლებამდე სივას 200 ბუნებრივი წყარო ასაზრდოებდა. სასოფლო-სამეურნეო საქმიანობის გასაფართოებლად ფერმებმა ათასობით არტეზიული ჭა გათხარეს, რათა მიწისქვეშა წყლებით ესარგებლათ. ამ ჭაბურღილებიდან მეტი სარწყავი წყალი მიიღეს, თუმცა ცუდად დაგეგმილი სადრენაჟო სისტემის პირობებში ჭარბად ამოღებულმა წყალმა წარმოშვა მარილიანი გამდინარე ტბები, რამაც დაჭაობება და ნიადაგის დამლაშება გამოიწვია. ირონიულია, რომ ამ თვალწარმტაც უდაბნოში ზედმეტმა წყალმა სოფლის მეურნეობა დააზიანა: გახმა ისეთი სასაქონლო კულტურები, როგორიც ფინიკის პალმაა, რომელსაც გადამწყვეტი მნიშვნელობა აქვს ოაზისის ტენიანი მიკროკლიმატის შექმნაში.
სივა ერთადერთი არ არის. ჯამურად, ოაზისების 13 მილიონ ჰექტარზე მეტი ტერიტორია დეგრადირდა 1995-დან 2020 წლამდე.

მოუხელთებელი შავი ვეფხვის ძიებაში
ოდიშის შტატი, ინდოეთი

სიმილიპალის ვეფხვების ნაკრძალი აღმოსავლეთ ინდოეთში 2750 კმ2-ზეა გადაჭიმული და ფსევდომელანისტური ვეფხვების ერთადერთი ველური პოპულაციის სახლია მსოფლიოში. აღნიშნულ პოპულაციას შავ ვეფხვებსაც უწოდებენ, განსაკუთრებით ფართო შავი ზოლების გამო. ეს უნიკალური შეფერილობა გენეტიკური მუტაციის შედეგია და მხოლოდ სიმილიპალის პოპულაციაში გვხვდება – აქ მცხოვრებ 27 ვეფხვთაგან დაახლოებით ნახევარი შავია.

სიმილიპალის ვეფხვი მშიშარა და ფრთხილია; ადგილობრივების უმრავლესობა ამბობს, რომ ვეფხვი არასოდეს უნახავს. მათ გადასაღებად პრასენჯიტ იადავმა ინფრაწითელი ტრიგერებით აღჭურვილი ფოტოხაფანგები გამართა 24 ბილიკზე, რომელთაგან სამზე ნამდვილად შეინიშნებოდა ვეფხვის ხშირი კვალი. თუმცა, როგორც ჩანს, ისინი ხშირად გრძნობდნენ ცვლილებას გარემოში და ბილიკიდან უხვევდნენ. „მიუხედავად იმისა, რომ კამერები შენიღბული იყო, – ამბობს ფოტოგრაფი, – ვეფხვები გრძნობდნენ, რომ რაღაც ახალი ხდებოდა და თავს არიდებდნენ იქაურობას“. იადავი დღეში 14-16 საათი მუშაობდა, რათა აპარატურა შეძლებისდაგვარად უჩინარი გაეხადა. 60-დღიანი მცდელობის შემდეგ, ბოლოს და ბოლოს, რამდენიმე კადრი გადაიღო, რომელთაგან ერთ-ერთია მდედრი შავი ვეფხვის ეს ფოტო.

სახიფათო გზაჯვარედინი
სიომა, ზამბია

იასპერ დუსტი ველურ ცხოველთა ტრანსსასაზღვრო დერეფნის დაცვის საერთაშორისო პროექტის მიმდინარეობას იღებდა, როდესაც გაიგო, რომ სიომა-ნგვეზის ეროვნული პარკის საზღვართან, M10 გზატკეცილზე, მანქანა სპილოს დაეჯახა და მგზავრიც დაიღუპა. სპილოებს მდინარე ზამბეზიმდე (ცხელ და მშრალ თვეებში წყლის ერთადერთი წყარო) მისაღწევად M10-ის გადაკვეთა უწევთ.

ადამიანებისა და ცხოველების კონტაქტი ხშირდება გზების, სოფლებისა და ფერმების შეჭრით სპილოებისა და სხვა ველურ ცხოველთა ჰაბიტატში. ამასთანავე, კლიმატის ცვლილების გამო ტემპერატურა იმატებს და იცვლება ნალექიანობა, რაც იწვევს ცხოველებისა და ადამიანების უფრო ხშირ შეჯახებას ისეთი რესურსების მოსაპოვებლად, როგორიც წყალია. წარსულში ადგილობრივი მოსახლეობა იშვიათად თუ შეხვდებოდა სპილოს, ახლა კი, ამბობენ, რომ სპილოები მათ მცენარეულ კულტურებს აჩანაგებენ, როდესაც დიდ ჯგუფებად გადაადგილდებიან სოფლებში. „დაძაბულობა საგრძნობია“, – ამბობს დუსტი.

„ადამიანები და ველური ცხოველები მეტოქეობენ ერთი და იმავე რესურსებისთვის, ძირითადად, წყლისთვის “. —იასპერ დუსტი

შემთხვევის ადგილზე გამვლელები შეგროვდნენ და ბავშვებით სავსე სკოლის ავტობუსები მოვიდა. მიუხედავად სპილოებისადმი ზოგადად მტრული დამოკიდებულებისა, ბევრ სოფლელს ისინი ახლოდან ნანახიც არ ჰყავდა; ხალხი მოდიოდა და ეხებოდა ცხოველს. ისეთი კონსერვაციული ზომები, როგორებიც დუსტის მიერ გადაღებული ველურ ცხოველთა დერეფნებია, ადამიანის საჭიროებებსაც ითვალისწინებს და უზრუნველყოფს, რომ მიწა, წყალი და სხვა ბუნებრივი რესურსები ორივესთვის ხელმისაწვდომი იყოს. „უნდა შეიქმნას ინფრასტრუქტურა თანაარსებობისთვის“, – ამბობს დუსტი.