ვარსკვლავი ვარსკვლავთა შორის

ზღვის ვარსკვლავი-მზესუმზირა, რომლის დიამეტრი ერთ მეტრსაც შეიძლება აღწევდეს, გაუმაძღარი, მოხეტიალე უმაღლესი მტაცებელია. მას შეუძლია შთანთქას ისეთი ჯავშნიანი ცხოველები, როგორებიცაა ზღვის ზღარბი, ლოკოკინა, ორსაგდულიანი მოლუსკი და კიბორჩხალა. მაგრამ უცნობმა სნეულებამ, რომელიც, სავარაუდოდ, კლიმატის ცვლილებამ გაამწვავა, ამ ცხოველის გლობალური პოპულაცია 2013 წლიდან 90%-ით შეამცირა. წყნარი ოკეანის ჩრდილო-აღმოსავლეთ სანაპიროზე მობინადრე ამ მტაცებლის დასაბრუნებლად მეცნიერები მათ ტყვეობაში გამრავლებას სწავლობენ. როდესაც 2024 წელს მეცნიერთა გუნდმა პირველად გაანაყოფიერა ცხოველის კვერცხები, „ჩვენი ყიჟინა მთელ აკვარიუმს ესმოდა“, – ამბობს მელისა ტორესი, სან-დიეგოში კალიფორნიის უნივერსიტეტის ბირჩის აკვარიუმის უფროსი სპეციალისტი. ახლა 6 პარტნიორ ინსტიტუტში მობინადრე 300-ზე მეტი ახალგაზრდა ზღვის ვარსკვლავის კალიფორნიის წყლებში გაშვების იმედიც არსებობს. ეს არაჩვეულებრივი ამბავია, თუ ზღვის ზღარბი არ ხარ.

National Geographic Society აფინანსებს მკვლევარ ჯოელ სარტორეს „ფოტოკიდობნის“ პროექტს, რომლის მიზანია მსოფლიოს ზოოპარკებში, აკვარიუმებსა და ნაკრძალებში მობინადრე ყველა სახეობის დოკუმენტირება.