ლუდი და ტვინი

ღვინის მარგებელი თვისებების შესახებ ყველას სმენია. ლუდი ყოველთვის ჩრდილში იყო. თუმცა, ახალი კვლევებით, ლუდი (ცხადია, ზომიერი ოდენობით), შესაძლოა, უფრო სასარგებლო იყოს, ვიდრე ფიქრობდნენ. დადგენილია, რომ ნერვული უჯრედების ოქსიდანტებით გამოწვეული დაზიანება ხელს უწყობს ტვინის დაავადებათა განვითარებას. ლანჩოუს უნივერსიტეტის (ჩინეთი) მკვლევარი ჯიანგუო ფანი და მისი კოლეგები, ჟურნალ Agricultural and Food Chemistry-ში გამოქვეყნებული მასალებით გვარწმუნებენ, რომ სვიის ზოგიერთ შემადგენელს ალცჰაიმერისა და პარკინსონის დაავადებების პროფილაქტიკის უნარი აქვს. უხვ ექსპერიმენტულ მასალაზე დაყრდნობით, მათ დაადგინეს, რომ სვიაში აღმოჩენილ შენაერთს (ანტიოქსიდანტ ქსანთოჰუმოლს), რომელსაც ადრე გულ-სისხლძარღვთა სისტემის დაცვისა და სიმსივნის პროფილაქტიკის თვისებებს მიაწერდნენ, ასევე აქვს ნერვულ უჯრედებში ზემოაღნიშნული არასასურველი პროცესების მკვეთრად გამოხატული შენელების უნარი.