38 წლის წინ, ორმა უპილოტო კოსმოსურმა ხომალდმა – „ვოიაჟერ 1-მა“ და „ვოიაჟერ 2-მა“ კანავერალის კონცხიდან (ფლორიდა) სტარტი აიღო და ყველაზე ხანგრძლივ და თავგადასავლებით სავსე მოგზაურობაში გაეშურა. იმ დროისთვის ამ ექსპედიციას ანალოგი არ ჰყავდა. ხომალდებს თითქმის შეუსრულებელი მისია ჰქონდათ – უნდა გაერკვიათ, რა ხდება მზის სისტემის პერიფერიულ პლანეტებზე.

მისიამ, რომელიც თითქმის ოთხი ათწლეულია გრძელდება, კაცობრიობა ფასდაუდებელი ცოდნით გაამდიდრა. და ეს ჯერ კიდევ არ არის ყველაფერი – ოდისეა ახლაც გრძელდება.

ბოლო ინფორმაციით, „ვოიაჟერ 1-მა“ უკვე დატოვა მზის სისტემა და ვარსკვლავთშორის სივრცეში გადავიდა. ის ადამიანის მიერ შექმნილი ყველაზე შორს მყოფი ზონდია (იგივე ხომალდი). მისი ტყუპისცალი – „ვოიაჟერ 2“ კი მზის სისტემის ჰელიოგარსში მოძრაობს.

ტყუპი ზონდების პროექტზე მუშაობა, მათ გაშვებამდე რამდენიმე ათეული წლით ადრე დაიწყო და ბოლოს, 1972 წელს იგი NASA-მ დაამტკიცა. ექვსი წლის შემდეგ, 1977 წლის 20 აგვისტოს კოსმოსში ჯერ „ვოიაჟერ 2“ გაემგზავრა, 16 დღეში კი მას ტყუპისცალიც – „ვოიაჟერ 1“ მიჰყვა…

სრული ვერსია წაიკითხეთ ივლისის ნომერში.