აცტეკების სისხლიანი იმპერია
პირველი აცტეკები, იგივე მეშიკები, ჩრდილოეთიდან, მათი რწმენით, ლეგენდარული აცტლანიდან გადმოსახლდნენ, თუმცა წინაპართა ამ სამკვიდროს ადგილმდებარეობა დაუდგენელია და, სავარაუდოდ, მხოლოდ თქმულებებში არსებობდა
აცტეკების სისხლიანი იმპერია
პირველი აცტეკები, იგივე მეშიკები, ჩრდილოეთიდან, მათი რწმენით, ლეგენდარული აცტლანიდან გადმოსახლდნენ, თუმცა წინაპართა ამ სამკვიდროს ადგილმდებარეობა დაუდგენელია და, სავარაუდოდ, მხოლოდ თქმულებებში არსებობდა
-
-
-
-
ბმული კოპირებულია
იმპერია თითქმის ცარიელ ადგილზე წარმოიშვა. პირველი აცტეკები, იგივე მეშიკები, ჩრდილოეთიდან, მათი რწმენით, ლეგენდარული აცტლანიდან გადმოსახლდნენ, თუმცა წინაპართა ამ სამკვიდროს ადგილმდებარეობა დაუდგენელია და, სავარაუდოდ, მხოლოდ თქმულებებში არსებობდა. ისინი საუბრობდნენ ძლევამოსილი ტოლტეკების ნაუატლის ენაზე, რომელთა ბატონობა ცენტრალურ მექსიკაში მე-12 საუკუნეში დამთავრდა. თუმცა სალაპარაკო ენა იყო ის ერთადერთი ფენომენი, რაც მეშიკებს სიდიადესთან აკავშირებდათ. ტესკოკოს ტბის კუნძულზე საბოლოო დასახლებამდე, მათ გამუდმებით სდევნიდნენ. ამ ჭაობიან ტერიტორიას კი არავინ ეცილებოდა და 1325 წელს ტენოჩტიტლანი დააარსეს; ტენოჩტიტლანში არ იყო საკმარისი სასმელი წყალი, არც სამშენებლო ქვა და ხე-ტყე. თუმცა, როგორც ცნობილი მეცნიერი მიგელ ლეონ-პორტილა აღნიშნავს, მისი „პირდაუბანელი, თითქმის უკულტურო ახალმოსახლეები, ამის კომპენსირებას საოცარი ნებისყოფით ახერხებდნენ“.
ახალმოსახლეებმა მანამდე არსებული, ოდესღაც ძლევამოსილი ქალაქ-სახელმწიფოების, ტეოტიუაკანის და ტულის ნანგრევების გათხრა დაიწყეს, ნანახი გაითავისეს და 1430 წლისთვის ტენოჩტიტლანი ძლიერ სამფლობელოდ აქციეს – მიწაყრილებითა და აკვედუკებით სავსე საოცრებად, ოთხ კვადრანტად დაყოფილი არხებითა და ხიდებით. ცენტრში აღიმართა პირამიდა ორმაგი კიბითა და ზედ დაშენებული ორი ტაძრით. მათი არც ერთი ორნამენტი თუ არქიტექტურული დეტალი ორიგინალობით არ გამოირჩეოდა, რასაც თავისი მიზეზი ჰქონდა. მეშიკები ძველ იმპერიებთან კავშირის დამყარებას ცდილობდნენ.
სრული ვერსია წაიკითხეთ ივნისის ნომერში.
