ამ არსებებს სხეულზე სპეციალური სათავსები აქვთ
-
-
-
-
ბმული კოპირებულია
ბიოანთროპოლოგი ელის რობერტსი ადამიანის ანატომიურ ნაკლოვანებებს ხშირად აქილიკებდა. ერთხელ მისი კოლეგა დაინტერესდა, რას შეცვლიდა რობერტსი ადამიანის აგებულებაში. რობერტსის აზრით, არ გვაწყენდა სხეულის გარკვეული ნაწილები სხვა ცხოველებისგან რომ გვესესხა, მაგალითად ჩანთა – ჩანთოსნებისგან.
შვილის სატარებლად სხეულზე ჩანთის გამოზრდას ალბათ ადამიანებისგან არ უნდა ველოდოთ, მაგრამ მრავალი ცხოველისთვის – არა მარტო ჩანთოსნებისთვის – სხვადასხვა ორგანულ საცავს არსებითი მნიშვნელობა აქვს. აი, ხუთი მათგანი.
ზღვის წავი
სასუსნავით სავსე ჯიბეები
ზღვის წავებს წინამხრების ქვეშ ფართო ჯიბეები აქვთ, სადაც მოლუსკების გასატეხ ქვებს და საკვებს ინახავენ.
იქედნე
პაწაწინა ჩხვლეტიები
მდედრი იქედნე ახალგამოჩეკილ ნაშიერს ჩხვლეტია ეკლების გამოზრდამდე ჩანთით ატარებს.
ვომბატი
სისუფთავე უპირველეს ყოვლისა
სხვა ჩანთოსნებისგან განსხვავებით, ვომბატს ჩანთის ღიობი უკან აქვს მოქცეული, რომ მიწის თხრისას ავარდნილმა კორიანტელმა ნაშიერები არ დაუსვაროს.
ბურუნდუკი
საბაყლო ჩანთებივით ლოყები
ციყვისებრთა ოჯახის პაწაწინა წარმომადგენელს – ბურუნდუკს – პირი ისე შეუძლია გაივსოს საკვებით, რომ ლოყები დანარჩენი სხეულისოდენა გაუხდეს. გამოსაზამთრებლად საჭირო საჭმელს ბურუნდუკი სოროში ასე ეზიდება.
