ბიონიკური თვალი თვალის დახამხამებაში

მკვლევრებმა 3D ტექნოლოგიის გამოყენებით თვალის ფორმის შუშის ობიექტზე სინათლის რეცეპტორები დაბეჭდეს. მრუდე ზედაპირის მიუხედავად, მათ მიერ „საღებავად“ გამოყენებული ვერცხლის ნაწილაკები ერთ ადგილას დამაგრდა, ხოლო ფოტოდიოდებმა სინათლე ელექტრობად 25%-ის ეფექტურობით გარდაქმნეს. შემდეგი ნაბიჯი მეტი სინათლის რეცეპტორი და უფრო რბილი ზედაპირია იმპლანტატის მეტი კომფორტულობისათვის. – რეიჩელ ჰარტიგან შეი

დნმ-ის ორიგამი

დნმ-ის ორიგამივით დაკეცვის გზით ბიოინჟინრებმა ნანომასშტაბის ტეტრაჰედრონები, კურდღლები და სხვა ფიგურები შექმნეს. ისინი სასურველ ფორმას ალგორითმში წერენ, რომელიც ადგენს, როგორ უნდა დაიკეცოს დნმ-ის გრძელი ჯაჭვი, ანუ კარკასი ორ და სამგანზომილებიან ფიგურებად, რომლებიც დნმ-ის მოკლე მონაკვეთებით არის დამაგრებული.  კარკასის ზედაპირზე განლაგებული მოლეკულები ფიგურას მის ფუნქციას ანიჭებენ, მაგალითად, წამლის ან გენეტიკური რედაქტირების ინსტრუმენტები სხეულის კონკრეტულ ნაწილში გადააქვთ. – ტერეზა მაკემერი