ბუნების ურბანული ინოვაციები

ურბანული არქიტექტორისა და ინოვატორის, დაან როოსეგაარდის ინსპირაცია ბიომანათობელი პლანქტონია.

„მათ არც ბატარეები აქვთ, არც დენის გადასახადი და არც საექსპლუატაციო კონტრაქტი“, ამბობს ის. „რა შეგვიძლია ვისწავლოთ მათგან?“

ეს კითხვა როოსეგაარდის პროექტს უდევს საფუძვლად: ბუნების გამოყენებით, პლანეტის დაუზიანებლად ქალაქების ეფექტურად და ლამაზად გარდაქმნა.

პლანქტონის თვისებების გასამეორებლად აქ ნაჩვენებ ველოსიპედის გზებზე როოსეგაარდმა და მისმა კოლეგებმა მზის ენერგიაზე მომუშავე ქვები ჩაამონტაჟეს. გზა ნიდერლანდებში – ნუენენშია, სადაც ვინსენტ ვან გოგიც ცხოვრობდა; ამიტომ, ქვები მხატვრის შედევრის „ვარსკვლავებიანი ღამე“ მსგავსადაა განლაგებული.

ჰოლანდიელ ინოვატორს უცნაურად მიაჩნია, რომ ადამიანები მეტ ყურადღებას სატრანსპორტო საშუალებებს უთმობენ და არა ზედაპირებს, რომლებზეც მათ ატარებენ.