ჩაეჭიდე თავგადასავალს

დოლომიტებში პირველი მსოფლიო ომის ჯარისკაცებისთვის მთაზე გაყვანილ გზას „ვია ფერატა“ (რკინის გზა) უწოდეს. ასეთი გზები ახლა ექვსივე კონტინენტზეა და გამოუცდელ თავგადასავლის მაძიებლებს საშუალებას აძლევს, მოიარონ „წარსულში ალპინისტების საყვარელი ადგილები“, – ამბობს ვეტერანი გიდი, მარკუს ბეკი.

53 წლის პედიატრი, ჰაიდი ფარინგტონი სამი წლის წინ დასავლეთ ვირჯინიის ვია ფერატაზე სიმაღლის შიშის დასაძლევად გადავიდა. „თავს უსაფრთხოდ ვგრძნობდი“, – ამბობს ფარინგტონი. მოგვიანებით, იგივე გზა დოლომიტებშიც განვლო.

გიდი, ალბერტო დე ჯული ამბობს: „ეს პარკში გასეირნება არ არის, ეს თავგადასავალია. ასაძრომად თოკს იყენებ, მაგრამ ფეხები კლდეზე გიდგას“.