ჩხვლეტა კუჭში

ადამიანთა უმეტესობას ნემსის ჩხვლეტას აბების ყლაპვა ურჩევნია. არადა, ინტრავენური ინექცია მედიკამენტს უფრო სწრაფად აწვდის სისხლს, ხოლო ზოგიერთი ცილოვანი მედიკამენტის, მაგალითად, ინსულინის პერორალური მიღება, საერთოდაც შეუძლებელია. თანაც კუჭი აბების გადამუშავებას მათ შეწოვამდე იწყებს.

მეცნიერებმა უკეთესი საშუალება მოიფიქრეს: ნემსის გადაყლაპვა. ახალი აბი „მულტივიტამინს ჰგავს“, ამბობს ინჟინერ-ქიმიკოსი კარლ. მ. შულჰამერი. „მაგრამ როდესაც კუჭში ხვდება, მისი გარსი იხსნება და ნემსები გამოდის“. კუჭ-ნაწლავის ტრაქტის გარსში შეღწევისთანავე, 1,27 მმ სიგრძის უჟანგავი ფოლადის ნემსები წამალს გამოუშვებენ. ნუ იდარდებთ. კუჭ-ნაწლავის ტრაქტი ტკივილს არ აღიქვამს.

ჯერჯერობით აბი ცხოველებზე გამოსცადეს. ტკივილი ან დაზიანება არ გამოვლენილა, თუმცა აბს ორგანიზმიდან გამოსასვლელად 7 დღე დასჭირდა.