ცხენოსნობით შენახული ისტორია
ფოტოგრაფი აღბეჭდავს ქალებს, რომლებიც ცხენზე ამხედრებულნი იცავენ მექსიკურ ტრადიციას.
-
-
-
ბმული კოპირებულია
„ეს დახვეწილი, შთამბეჭდავი და საკმაოდ სახიფათოცაა“, – ასე აღწერს ფოტოგრაფი კონსტანს ჯეგი escaramuza charra-ს – მექსიკურ როდეოს, რომელშიც მხოლოდ ქალები მონაწილეობენ. მხედრები, რომელთაც ესკარამუსებს უწოდებენ, ცხენზე გვერდულად სხედან და ფერად-ფერადი კაბები აცვიათ, როგორც მექსიკის რევოლუციის მებრძოლებს. რვამხედრიანი გუნდები ცხენების ნავარდით სინქრონულად ასრულებენ ქორეოგრაფიულ ილეთებს. კონსტანს ჯეგი შვეიცარიაში იზრდებოდა და ჯირითი 14 წლის ასაკში ისწავლა. თითქმის ოცი წლის შემდეგ ტეხასში, რანჩოში ცხოვრებისას, საცხენოსნო შეჯიბრებაში მიიღო მონაწილეობა, სადაც იგი ესკარამუსებით მოიხიბლა. შემდეგ კონსტანსმა აშშ შემოიარა ესკარამუსების გადასაღებად და მათთან ინტერვიუების ჩასაწერად, რა დროსაც დაინახა, რომ სპორტის ამ სახეობით მექსიკელ-ამერიკელი ქალები თავიანთ ფესვებთან ინარჩუნებენ კავშირს.
მირანდა ვარგასის პორტრეტი, ჯეგის სხვა ნამუშევრებთან ერთად, ტეხასის კოვბოი ქალების ეროვნული მუზეუმის დიდების დარბაზშია გამოფენილი.
მექსიკური როდეოს მიმართ ინტერესი მემკვიდრეობით გადადის. ტეხასში მცხოვრები ლაურა ესკობედოც მშობლებმა აზიარეს სპორტის ამ სახეობას.
კონსტანს ჯეგიმ ფოტოებზე აღბეჭდა ესკარამუსა-ჩარა-აცტეკასა და სხვა გუნდების მხედრები შეჯიბრებისა და ვარჯიშის დროს.
ესკარამუსა-კეტცალის გუნდის წევრები აიოვიდან; 19 წლის ისაბელ მარკესი, 15 წლის სენდი მურილიო გუსმანი და 23 წლის ვენდი მურილიო კამარენა ტეხასში გამართული შეჯიბრების შემდეგ პოზირებენ.
ესკარამუსა-ჩარა-ვილია-დე-გვადალუპეს მხედრები სომბრეროებსა და ფუშფუშა კაბებში არიან გამოწყობილნი და წელზე „რებოსოები“ აქვთ შემოხვეული.
ქალაქ მენორში (ტეხასი) ესკარამუსა-ჩარა-აცტეკას მხედრებმა დილის ვარჯიშების დროს მოედანზე ბუღი დააყენეს; ამ ილეთით ისინი რევოლუციურ საბრძოლო ტაქტიკას განასახიერებენ.
კრიალოსნები, სალოცავი ბარათები და ამგვარი გულსაბნევები ხშირად ამშვენებს მანჰეტენელი (ილინოისი) ესკარამუსების კოსტიუმებს.
მირანდა ვარგასის პორტრეტი, ჯეგის სხვა ნამუშევრებთან ერთად, ტეხასის კოვბოი ქალების ეროვნული მუზეუმის დიდების დარბაზშია გამოფენილი.
მექსიკური როდეოს მიმართ ინტერესი მემკვიდრეობით გადადის. ტეხასში მცხოვრები ლაურა ესკობედოც მშობლებმა აზიარეს სპორტის ამ სახეობას.
კონსტანს ჯეგიმ ფოტოებზე აღბეჭდა ესკარამუსა-ჩარა-აცტეკასა და სხვა გუნდების მხედრები შეჯიბრებისა და ვარჯიშის დროს.
ესკარამუსა-კეტცალის გუნდის წევრები აიოვიდან; 19 წლის ისაბელ მარკესი, 15 წლის სენდი მურილიო გუსმანი და 23 წლის ვენდი მურილიო კამარენა ტეხასში გამართული შეჯიბრების შემდეგ პოზირებენ.
ესკარამუსა-ჩარა-ვილია-დე-გვადალუპეს მხედრები სომბრეროებსა და ფუშფუშა კაბებში არიან გამოწყობილნი და წელზე „რებოსოები“ აქვთ შემოხვეული.
ქალაქ მენორში (ტეხასი) ესკარამუსა-ჩარა-აცტეკას მხედრებმა დილის ვარჯიშების დროს მოედანზე ბუღი დააყენეს; ამ ილეთით ისინი რევოლუციურ საბრძოლო ტაქტიკას განასახიერებენ.
კრიალოსნები, სალოცავი ბარათები და ამგვარი გულსაბნევები ხშირად ამშვენებს მანჰეტენელი (ილინოისი) ესკარამუსების კოსტიუმებს.
